Sərhəddə atışma - Əsgərimiz yaralandı
2019-cu ilin 27 iyul tarixində saat 22:45 radələrində Dövlət Sərhəd Xidmətinin Sərhəd Qoşunlarının “Horadiz” sərhəd dəstəsinin Fizuli rayonunun Əhmədalılar kəndinin yaxınlığındakı sərhəd zastavasının xidməti ərazisində dövlət sərhədini pozmaqla ölkə ərazisinə qaçaqmalçılıq yolu ilə külli miqdarda narkotik vasitənin gətirilməsinə cəhd edilib.
Bu barədə Dövlət Sərhəd Xidmətinin mətbuat xidmətindən məlumat verilib.
Sərhəd naryadı tərəfindən İrandan Azərbaycan istiqamətində silahlı şəxslərin hərəkəti aşkar olunub və qarşısı alınıb.
Azərbaycanın dövlət sərhədinin mühafizəsində olan sərhəd naryadının qanuni tələbinə və xəbərdarlıq atəşinə tabe olmayan sərhəd pozucuları tərəfindən sərhəd naryadına qarşı silah tətbiq edilib.
Baş vermiş atışma zamanı sərhəd naryadının üzvü çiyin nahiyəsindən yaralanıb. Sərhədçi əsgər dərhal hərbi hospitala təxliyə edilərək əməliyyat olunub, hazırda vəziyyəti qənaətbəxşdir.
Dövlət sərhədindən narkotik vasitə keçirməyə müvəffəq ola bilməyən sərhəd pozucuları geri qaçıblar. Ərazidə keçirilmiş axtarış tədbirləri nəticəsində ümumi çəkisi 5 kq 350 qram olan 1 ədəd bağlamada 2 kq 70 qram marixuana, 2 kq 180 qram kokos, 885 qram heroin, 215 qram tiryək aşkar olunmub.
Hadisə ilə əlaqədar Dövlət Sərhəd Xidmətinin rəhbər vəzifəli şəxsləri əraziyə ezam edilib. İranın sərhəd nümayəndəsi ilə görüşülüb, hadisə yerinə birgə baxış keçirilib, aşkar olunmuş narkotik vasitələr və digər əşyalar təqdim olunub, sərhəd pozucularının müəyyən edilərək cinayət məsuliyyətinə cəlb olunmaları tələb edilib.
Hərbi prokurorluq ilə birlikdə hadisə ilə əlaqədar zəruri tədbirlər görülür. Fakt üzrə cinayət işi başlanılıb.
-
Füzuli istiqamətində ermənilərin PUA-sı ələ keçirildi - Foto
...
-
Gorus-Qafan yolu bağlandı, ermənilər təşvişə düşdü
...
-
Ermənilər qəfil hücum etdilər - Hərbçimiz yaralandı
...
-
Naxçıvan istiqamətində mövqelərimiz atəşə tutulub
...
-
Naxçıvan istiqamətində mövqelərimiz atəşə tutulur
...
-
Mövqelərimiz Naxçıvan istiqamətində atəşə tutulub
...
-
Bu gün saat 10-dan Ermənistanla atəşkəs elan edilib - Rəsmi
...
-
Kəlbəcər istiqamətində gərginlik davam edir - Müdafiə Nazirliyi
...
-
Müdafiə Nazirliyi məlumat yaydı
...
-
Dövlət sərhədi boyu mövqelərimiz atəşə tutuldu
...