Boşanma zamanı ipotekada olan mənzil necə bölünür?
Azərbaycanda son illərdə boşanan ailələrin sayı artmaqda davam edir. Boşanmalar zamanı ən çox mübahisəyə səbəb olan və məhkəmə salonlarına daşınan mövzular uşaqların və əmlakın bölüşdürülməsidir. Bu dəfə isə problemli əmlakın bölünməsi müzakirəyə səbəb olub.
Vətəndaşlardan biri sosial şəbəkədə fəaliyyət göstərən “Hüquqşünaslar” qrupuna müraciət edərək ipotekada olan mənzilin boşanma zamanı necə bölüşdürülməsi, boşanmadan sonrakı müddətdə banka olan kredit borcunu kimin ödəyəcəyini soruşub: “Birgə nikah dövründə ipoteka ilə alınan ev boşanmadan sonra məhkəmə qaydasında necə həll olunur? Çünki 3 ildir kredit ödənib, hələ 16 il qalır”.
Hüquqçular bu məsələnin bir neçə variantda həlli olduğunu bildiriblər.
Əmlak nikah dövründə alınıbsa, ərlə arvadın ümumi birgə mülkiyyətidir. Bu vaxta qədər ödənilən məbləğ də birgə təsərrüfatdan sayılır. Boşanma zaman ən asan çıxış yolu budur ki, məsələn ər bugünə kimi ödənilən pulun yarısını arvada ödəyir və ev kişiyə qalır. Təbii ki, kreditin qalan hissəsini də ər ödəyir. Yaxud da əksinə olur. Bu ərlə arvadın öz arasında razılığa gəldiyi variantdır. Əgər tərəflər razılığa gələ bilməsə, çıxış yolunu məhkəmə müəyyən edir. Təcrübədən bəllidir ki, çox vaxt məhkəmə kreditin boşanmadan sonra da hər iki şəxs tərəfindən yarıbayarı ödənilməsinə qərar verir. Əmlak bankda yüklü edildiyi üçün isə kredit tam ödənilməyincə bölünməsi mümkün deyil.
Bəs ailənin uşağı da varsa, o zaman şərtlər dəyişirmi?
Boşanmadan sonra uşaq ana ilə qalırsa, o məhkəmədən tələb edə bilər ki, uşağın atası kredit üzrə aylıq məbləğin yarısını yox, 3-də iki hissəsini ödəsin. Həmçinin uşaq ata ilə qalarsa, o da oxşar tələb ilə çıxış edə bilər.
-
Abşeronda akademik Zərifə Əliyevanın xatirəsi anıldı - Fotolar
...
-
Səttar Möhbalıyev: “Almaniya Azərbaycanın mühüm siyasi-iqtisadi tərəfdaşlarındandır”
...
-
Bazar günü 32° isti olacaq
...
-
Abşeron Rayon İcra Hakimiyyəti başçısı yanında Şura İclası keçirilib - FOTOLAR
...
-
Şənbə gününə 32° isti gözlənilir
...
-
İki qardaş xalqın münasibətləri yüksək səviyyədədir
...
-
Münasibətlərimizin tarixi zəngindir
...
-
İki ölkə arasında dövlətlərarası münasibətlər fəallaşır
...
-
Azərbaycan xalqı Çingiz Aytmatovla fəxr edir
...
-
Davamlı əməkdaşlığın əsas meyarı
...