Mübariz Mənsimovun qardaşı qaçqın və məcbur köçkün ailəsinin borcunu qaytarmır (MÜRACİƏT)

09:55 16-07-2018 | icon 133
Mübariz Mənsimovun qardaşı qaçqın və məcbur köçkün ailəsinin borcunu qaytarmır (MÜRACİƏT)
loading...
"Palmali Holding"in sahibi Mübariz Mənsimovun qardaşı Mais Mənsimov ev-eşiyindən didərgin saldığı qaçqın və məcburi köçkün ailəsinin pulunu qaytarmaq istəmir.
 
Bu səbəbdən ailə Mübariz Mənsimova müraciət ünvanlayıb. Saytımıza göndərilən müraciət mətnini olduğu kimi təqdim edirik:
 
"Hörmətli Mübariz müəllim,
 
... Sizin facebook və digər poçt ünvanlarınıza dəfələrlə müraciət etsək də, heç bir cavab verilməyib. Bu səbəbdən də Sizə açıq müaciət ünvanlayırıq. Ümid edirik ki, bizim müraciətimizi diqqətlə oxuyub köməklik göstərəcəksiniz.
 
Bildirmək istəyirəm ki, biz Qərbi Azərbaycandan qaçqın və Şuşa şəhərindən məcburi köçkün düşərək 10 nəfər ailə üzvü ilə birlikdə Bakı şəhəri, Nərimanov rayonu, Ə.Əlizadə küçəsi 31 ünvanda ayrılmış təmirsiz 70 kv. metrlik mənzildə yerləşdirildik. Sonradan dayım Əsgərov Nəriman Qasım oğlu həmin mənzilin yanındakı 374 kv metrlik Təmir tikinti idarəsinin obyektinin 12.75%-ni, yəni 47.6 kv metrlik çörək sexini Dövlət Əmlak Komitəsi tərəfindən verilmiş 26.04.1999-cu il tarixli 001155 saylı çıxarışa əsasən öz adına özəlləşdirdi. 2004-cü il tarixdə vətəndaş Fərhad Kazımov və özlərini "Palmali" Şirkətlər Qrupunun işçiləri və Sizin qardaşınız kimi təqdim edən Mais Mənsimov və qohumunuz (yeznəniz) olan Aşur adlı şəxs yaşadığımız ünvana gələrək mənzili və çörək sexni alaraq yerində hündürmərtəbəli bina tikmək istədiklərini bildirdilər. Biz ümumilikdə 117.6 kvmetrlik mənzil və çörək sexinin alqı-satqısını 80.000 manata raşılaşdıq. Onlar bizə əvvəlcə 48.000 min manat pul verdilər, qalan 32.000 min manat pulu mənzili boşaltdıqdan sonra verəcəklərini bildirdilər. 
 
Razılaşdığımız kimi biz onlara notariat kontoru vasitəsilə çörək sexi üzərində sərəncam vermək barədə etibarnamə verdik, onlar isə pulu səhəri gün ofisdən götürməyi bildirdilər. Səhəri gün bizə borclu olduqları 32.000 manat pulun əvəzinə 15.000 təklif etdilər. Biz belə razılaşmadığımızı bildirdikdə, zor gücünə ailə üzvlərimizi yaşadığımız mənzildən çıxarıb, evdə və çörək sexində olan əşyaları küçələrə tökərək, traktor və buldozerlə evimizi və çörək seximizi yerlə-yeksan etdilər. Həmin vaxtı evdə olan əşya və avadanlıqların çoxu yararsız hala düşüb, bəziləri isə itib. Dayım Nəriman Əsgərov bu səbəbdən də onlara verdiyi etibarnaməni ləğv etdi. Məlum hadisələrlə bağlı dəfələrlə Sizin qəbulunuza düşmək istəsək də, bizə imkan vermədilər. Sonradan 15.000 manat pulu da verməkdən imtina etdilər. Biz həmin pula yalnız təmirsiz 2 otaqlı mənzil ala bildik və 14 nəfər ailə üzvümüz, həmçinin Astara rayonundan olan gəlinimizlə birlikdə orda yaşamağa məcbur qaldıq. Bu çətin vəziyyətdə mən əlbəyaxa döyüş üzrə Dünya Kubokunu qazanaraq Azərbaycan Bayrağını yüksəklərə qaldırmışam.
 
Xahiş edirik bu məsələ ilə bağlı bizi qəbul edib köməklik göstərəsiniz.
 
Hörmətlə, Orxan Əlizadə, Nəriman Əsgərov və 12 nəfər qaçqın və məcburi köçkün ailə üzvü

Digər xəbərlər

0.16814589500427