“Qərarlar qısa müddətdə çox yaxşı nəticələr verəcək” - İlham Əliyev

10:48 12-08-2018 | icon 60
“Qərarlar qısa müddətdə çox yaxşı nəticələr verəcək” - İlham Əliyev
loading...

“Biz bu gün ikitərəfli münasibətlərin gündəliyində duran bir çox məsələlərlə bağlı ətraflı danışıqlar, fikir mübadiləsi apardıq”.

Bunu Tacikistan Prezidenti Emoməli Rəhmonun şərəfinə təşkil edilən ziyafətdə Azərbaycan Prezidenti İlham Əliyev bildirib.

İlham Əliyev qeyd edib ki, görüşdə əməkdaşlığın möhkəmlənməsinə, qarşılıqlı fəaliyyətin genişlənməsinə iki ölkənin sadiq olduğu bir daha təsdiq edilib.

“Ticari-iqtisadi münasibətlərin möhkəmləndirilməsi üçün mühüm yolları müəyyənləşdirdik. Bu gün sənaye kooperasiyası ilə bağlı məsələlərə çox vaxt sərf etdik. Qəbul edilən qərarlar əminəm ki, qısa müddətdə çox yaxşı nəticələr verəcək. Nəticə yeni istehsalatların, istehsalat güclərinin, sənaye kooperasiyasının, yüzlərlə yeni iş yerinin yaradılmasına hədəflənəcək. Bu qərarlar bizim sənaye müəssisələrimiz arasında tamamilə yeni kooperasiya sistemi yaradacaq, ölkələrimizin nəqliyyat infrastrukturunu daha da çox yükləyəcək”.

Prezident sözlərinə əlavə edib ki, həmçinin sərmayələrlə bağlı məsələyə toxunulub və yaxın vaxtlarda Tacikistana sərmayə məsələlərinin öyrənilməsi üzrə konkret missiya göndəriləcək:

“Həmçinin kənd təsərrüfatının, turizmin inkişafı ilə bağlı məsələləri müzakirə etdik. Belə demək olarsa, diqqətimizdən kənarda qalan çox az sahələr oldu”.


Digər xəbərlər

0.20385003089905