Bankomatlardan 100 minə yaxın pul oğurlayanlara hökm oxundu - Biri polis olub
Bakı Ağır Cinayətlər Məhkəməsində bankomatları yararaq pulu oğurlamaqda təqsirləndirilən polis əməkdaşı Xəyal Rüstəmov, dəstənin digər üzvləri Orxan Əhmədov, Rizvan Ağayev və Elməddin Zülfüqarova hökm oxunub.
Hakim Əhməd Quliyevin icraatında olan prosesdə məhkəmə kollegiyasının hökmü ilə R. Ağayev 10 il, X. Rüstəmov 9 il, O. Əhmədov 8 il, E. Zülfüqarov 5 il müddətinə azadlıqdan məhrum edilib.
X.Rüstəmov Beylaqan rayon Polis şöbəsinin əməkdaşı olub və hadisədən öncə Binəqədi rayonuna ezam edilib.
Qeyd edək ki, Orxan Əhmədov Xətai rayonunda quraşdırılmış bankomatı qaynaq aparatı ilə kəsib içindən 40 min manat oğurlayıb. Saxlanılan şəxsin ətrafında aparılan əməliyyat axtarış tədbirləri nəticəsində onun bu əməli tək törətmədiyi üzə çıxıb. Bəlli olub ki, Orxan Əhmədova bankomatları yarmaqda Rizvan Ağayev, Xəyal Rüstəmov və Beyləqan rayon sakini olan Elməddin Zülfüqarov kömək edib. Onların Xətai rayonu, Əhmədli kəndində bələdiyyə binasında yerləşən bankomatı yararaq 51 min 200 manat oğurlamaları da üzə çıxıb. Orxan Əhmədov və digər şəxslər başqa-başqa vaxtlarda özlərinin əvvəlcədən seçdikləri və pulla dolu olan bankomatları hədəf seçiblər. Onlar pensiya və müavinətlərin verildiyi vaxtı əvvəlcədən müəyyən edib və kəndlərdə, insanların az olduğu yerlərdə özünə məxsus aparatlarla bankomatları gizli formada kəsərək pulları ələ keçiririblər.
-
Azərbaycan dünyanın ən yüksək antiterror reytinqində!
...
-
Azərbaycanda girov belə azad edildi - DTX-dən antiterror tədbiri - Video
...
-
DTX tərəfindən saxlanılan transmilli mütəşəkkil kibercinayətkar dəstənin - Film kimi cinayət ssenarisi
...
-
DTX: Sosial şəbəkələrdə dezinformasiya yayan şagird istintaqa cəlb edilib
...
-
Terrorçuluğu maliyyələşdirdi - Həbs edildi
...
-
Gəncədə narkotik satmaqda şübhəli bilinən onlarla şəxs saxlanılıb
...
-
Azərbaycan sərhədini pozmağa cəhd göstərən Əfqanıstan vətəndaşları saxlanılıb
...
-
Aybəniz Haşımovanın qardaşı həbs edildi
...
-
İrandan Azərbaycana külli miqdarda narkotik keçirilməsinin qarşısı alınıb
...
-
Naxçıvanda yol polisi sürücünü döyüb? - İDDİA
...