Şər-böhtan yazanlara tutarlı cavab..

09:41 18-09-2018 | icon 109
Şər-böhtan yazanlara tutarlı cavab..
loading...

Bu gün ölkəmizdə təhsilə verilən önəm, bu sahəyə dövlətin və şəxsən ölkə başçısının diqqət və qayğısı təhsilimizin bugünkü yüksək inkişafında bir güzgü kimi əks olunur.

Azərbaycan Respublikasının Prezidenti cənab İlham Əliyevin diqqət və qayğısı nəticəsində son illər təhsil sistemində uğurlu islahatlar aparılmış, təhsil ocaqlarının maddi-texniki bazası əhəmiyyətli dərəcədə yaxşılaşdırılmış, təchizat və kadr hazırlığı ilə bağlı mühüm işlər görülmüşdür. Abşeron rayonu Xırdalan 2№li tam orta məktəbi də belə nümunəvi təhsil müəsəssidir.Burada verilən keyfiyyətli təhsil də buna bariz nümunədir. Azərbaycan prezidentinin paytaxtdakı təhsil ocaqlarının yenidənqurma işlərinin aparılması, onların maddi-texniki bazasının möhkəmləndirilməsi ilə bağlı tapşırıqlarına uyğun olaraq, burada də yenidənqurma işləri həyata keçirildi, ən müasir avadanlıqlarla təchiz olundu.

Görülən işlər nəticəsində burada da şagirdlərin yüksək təhsil alması, pedoqoji kollektivin fəaliyyəti üçün hər cür şərait yaradılıb. Məktəbin direktoru Ədalət Camalova buraya təyin olunandan, burada ilk olaraq sağlam mühit yaradıb. Əmək intizamına ciddi əməl olunur.

Bütün bu işlər direktorun təşəbbüsü ilə həyata keçirilib. Bunları biz də gözlərimizlə görmüşük. Buna görə rəhbərliyə təşəkkür edənlərin çox şahidi olmuşuq.


Bu yaxınlarda yenə də yolumu oradan saldım. Kollektiv iş başında idilər. Hər tərəfdə təmizlik, səliqə-səhman göz oxşayırdı. Gün ərzində bir neçə valideynlə söhbət etdim, burdakı təhsilin keyfiyyəti ilə, hər hansı neqativ hallarla rast gəlib-gəlmədikləri ilə maraqlandım. Həmsöhbətlərim çox səmimi cavab verdilər. Qeyd etdilər ki, direktordan, müavinlərdən, bütün müəllimlərdən çox razıyıq. Onlar övladlarımıza təhsil verməklə yanaşı  tövsiyələrini bizdən əsirgəmirlər. Onlara öz təşəkkürümüzü bildiririk. Onu da əlavə etdilər ki, xoşagəlməz hərəkətləri burada heç zaman müşahidə etməmişlər.

Ədalət xanım işlədiyi bu illər ərzində diqqətli və səriştəli pedaqoq kimi tanınmışdır.

 Qeyd edək ki, son günlər bəzi internet saytlarında Xırdalan 2№li tam orta məktəblə bağlı böhtan xarakterli məlumatlar dərc edilir. Məlumatların hardan qaynaqlandığını deyə bilmərik. Lakin tam məsuliyyətlə qeyd edirik ki, yayımlanan qərəzli və böhtan xarakterli məlumatlar tamamilə əsassızdır. Bu cür dezinformasiyalar cəmiyyət arasında heç də birmənalı qarşılanmır. Ən azından məktəbin kollektivi qəbulolunmaz məqalələri nifrətlə qarşılayır və öz iradlarını bildirirlər.

Burada valideynlər və kollektiv arasında nizam- intizam olduqca yüksək səviyyədədir. Halbuki, bəzi saytlar bunun əksini yazmaqla cəmiyyət arasında ajiotaj yaratmağa çalışırlar.

Hazırda Xırdalan 2№li tam orta məktəbdə aparılan məqsədyönlü işlər nəticəsində təhsilin keyfiyyəti, əmək intizamı yüksəlmiş, şəffaflıq bərqərar olmuşdur.

Göründüyü kimi burada inkişaf və fərqlilik göz qabağındadır. Daha yüksək nailiyyətlərə imza atmaq üçün rəhbərlik və pedoqoji heyəti yorulmadan uğurlarının sayını daha da artırmağa çalışır.

Bir daha qeyd edirik ki,son vaxtlar bəzi saytlarda məktəb haqqında müəllifi məlum olmayan bu böhtan xarakterli yazılar bizdə yalnız təəssüf doğurur.Bu məqalələrdə göstərilənlər Xırdalan 2№li tam orta məktəbinin və direktorunun işgüzar nüfuzuna xələl gətirmək məqsədini daşıyır. Yazıda göstərilənlərdən fərqli olaraq, Ədalət xanım  dövlətə və dövlətçiliyə sadiq olan bir insan olmaqla, onun fəaliyyəti bütün həm valideynlər həm də müəllimlər tərəfindən təqdir olunur. Buranın işgüzar nüfuzuna xələl gətirən böhtan xarakterli bu informasiyaların yayılması şəffaflığın və obyektivliyin təmin edilməsi, təhsilin keyfiyyətinin yüksəldilməsi istiqamətində aparılan işlərə kölgə salmaq məqsədini daşıyır. Beynəlxalq əlaqələrin genişlənməsi kimi tədbirlər rüşvət sindromundan yaxa qurtara bilməyən bəzi insanların şəxsi maraqlarına cavab vermir. Yəqin məktəb ilə bağlı gedən böhtan xarakterli yazıların “naməlum mənbə”si də bu sindroma ciddi şəkildə yoluxmuş, şəffaflıq və obyektivliyin təmin edilməsi istiqamətində aparılan işlərlə barışa bilməyənlərdəndir.

Bir daha bildiririk ki, Xırdalan 2№li tam orta məktəbi ilə bağlı kütləvi informasiya vasitələrində gedən yazılar reallığı əks etdirmir və buranın işgüzar nüfuzuna xələl gətirmək məqsədini daşıyır.Saytlara dərc olunmaq üçün göndərilən,heç bir insanı və etik normalara sığmayan bu cür iftira və yalanlar kiminsə marağı xatirinə virtual məkana yol tapmışdır. Bu yalan və böhtanları Xırdalan 2№li tam orta məktəbin bütün sağlam əqidə ilə düşünən kollektivinə qarşı yönəlmiş hesab edirik.


Digər xəbərlər

0.25518989562988