“Buna sabah qərar verəcəyik” - Qurban Qurbanov
Avropa Liqasının qrup mərhələsinin III turu çərçivəsində Ukraynanın “Vorskla” klubunu qəbul edən “Qarabağ”ın baş məşqçisi Qurban Qurbanov oyunöncəsi mətbuat konfransı keçirib.
Bakı Olimpiya Stadionunun konfrans zalında jurnalistlərin qarşısına Miçel Madera ilə çıxan təcrübəli mütəxəssis əvvəlcə sabahkı qarşılaşma haqda düşüncələrini bölüşüb:
- Vacib oyuna çıxırıq. Hər iki komanda xal üzünə həsrətdi. Bu görüş barədə çox danışmağa ehtiyac yoxdu. Oyuna hazırıq və hər birimiz məsuliyyəti başa düşürük. Sabah bizi çətin qarşılaşma gözləyir.
- (M.M.) Bizi çox çətin və önəmli görüş gözləyir. Rəqib güclü komandadı. Hər iki matçda məğlub olsalar da, rəqiblərinə çətinliklər yaşadıblar. Onları təhlil etmişik. Özümüz də matça yaxşı hazırlaşmışıq. İnanıram ki, müsbət nəticə qazanacağıq.
- “Səbail” olayından sonra komandada psixoloji durum necədi?
- Hər şey qaydasındadı. Belə hallar olan şeydi.
- Azarkeşlər məhz “Vorskla” ilə oyunlardan qələbə gözləyir. Bu amil komandanıza əlavə psixoloji gərginlik yaradırmı?
- Sabah ən yaxşı oyunlarımızdan birini göstərməyə çalışacağıq.
- Geryenin durumu nə yerdədi?
- Durumu qaydasındadı. Amma hazırlıq baxımından bir qədər problemləri var. Sabah oynaya bilər.
- Halderssonun adı sabah protokolda yer alacaqmı?
- Buna sabah səhər məşqindən sonra qərar verəcəyik.
- Azarkeşlərin sayının az olacağı gözlənilir. Onlara müraciət etmək istəyərdinizmi?
- Düşünürəm ki, ehtiyac yoxdu. Azarkeşlər hər zaman yanımızda olub. İnanıram ki, sabah da belə olacaq.
- Rəqib hər iki oyunda qol vurub. Buna qarşı hazırsınızmı?
- Bəli, buna diqqət yetirmişik. Çalışacağıq ki, qarşısını alaq.
-
Millimizə 20 futbolçu dəvət olundu
...
-
Bakı kənd və qəsəbələri arasında ll minifutbol turnirində üçüncü turun oyunları keçirilib
...
-
Ümumdünya Antidopinq Agentliyi (WADA) 2024-cü il 19 aprel tarixini dünyada Ədalətli İdman Günü elan edib
...
-
Azərbaycanın bank sektorunun əməkdaşları Azərbaycan Bilyard Federasiyasının təşkilatçılığı ilə keçirilən bilyard turnirində mübarizə aparırlar
...
-
Tarix yazan qızlarımız - Onlar kimlərdir?
...
-
"Araz Saatlının" baş məşqçisi: "Vəziyyətimiz ağırdı"
...
-
Rüstəm Əhmədzadə: "Sona qədər mübarizə aparacağıq"
...
-
3x3 qadın millimiz "Paris-2024" Olimpiadasında - Tarixi uğur
...
-
Gəncə MDB-nin idman paytaxtı olacaq
...
-
Qadın millimizdən "Paris-2024" yolunda uğurlu start
...