“Düz yolda olduğumuzu bilirik” - Eşşək fermasından cavab
Xəbər verdiyimiz kimi, Qida Təhlükəsizliyi Agentliyi eşşək fermasındakı yoxlamalarla bağlı açıqlama yayıb. Açıqlamada laboratoriyaya təqdim olunmuş pasterizə edilmiş ulaq südündə insan sağlamlığı üçün zərərli hesab olunan bakteriya (S.aureus) aşkar edildiyi bildirilib.
Agentlik sözügedən təsərrüfat subyektinə süd istehsalının və emalının dayandırılması ilə bağlı xəbərdarlıq edildiyini bildirsə də, ferma əməkdaşı Xəyal Cəlalov “Qafqazinfo”ya analizlərin cavablarının onlara təqdim olunmadığını və bu barədə mediadan məlumat aldığını söyləyib:
“Biz də bu haqda məlumatı internetdən öyrənmişik. Bu günə kimi bizə agentlik tərəfindən heç nə deyilməyib, məktub göndərilməyib və ya hər hansı bir məsləhət almamışıq. Siz bizdən tez bilmisiz. Əgər doğrudan da bakteriya varsa, aradan qaldırılacaq. Qurum bizdən problemlərin aradan qaldırılaraq yenidən analiz verilməsini istəyir. Biz bunu etməyə hazırıq. Özümüz də başqa laboratoriyalar vasitəsilə araşdıracağıq.
Biz işimizdə israrlıyıq, işimiz təmizdir. Düz yolda olduğumuzu bilirik. Hansı prosedurlardan keçmək lazımdırsa, biz hazırıq. Agentlikdən müsbət cavab alana kimi işimizi davam etdirəcəyik”.
Ferma təmsilçisi həmçinin qeyd edib ki, analizi 20 gün əvvəl laboratoriyaya təqdim ediblər və 15 gün müddətində hər gün cavabları öyrənmək üçün agentliyə müraciət ediblər: "Analiz üçün 311 manat pul ödəmişik, qəbz də əlimizdədir. Nə bizə nəticə barədə məlumat verilir, nə də telefonlarımıza cavab".
Qida Təhlükəsizliyi Agentliyinin mətbuat katibi Mənsur Priyev “Qafqazinfo”ya bildirib ki, mətbuatla yanaşı fermaya da cavablar göndərilib”.
-
Şənbə günü 30° isti olacaq
...
-
Respublika Pediatriya Mərkəzi yaradıldı - Direktor o oldu+Fotolar
...
-
Sabah 30° isti olacaq
...
-
Bakıda bu yol 3 gün bağlı olacaq
...
-
Səttar Möhbalıyev: “Su ehtiyatlarından daha səmərəli istifadə olunması istiqamətində ölkəmizdə mühüm işlər görülür”
...
-
Adıgözəl Məmmədovun: "Tədqiqatlarımı oğurlayıb, pul qazanan, elmi dərəcə alanlar var"
...
-
Sabaha 28° isti proqnozlaşdırılır
...
-
Leyla Əliyevanın iştirakı ilə növbəti “Bizim Həyət” sakinlərin istifadəsinə verildi - Fotolar
...
-
Davamlı inkişafın göstəriciləri
...
-
Su ehtiyatlarından səmərəli istifadə şəkildə başlıca vəzifədir
...