Cavidlə Müşfiqin görüşü səhnələşdirildi
Azərbaycan prezidenti İlham Əliyevin 17 may 2018-ci il 108 saylı sərəncamına əsasən, şair Mikayıl Müşfiqin 110 illiyinə həsr olunmuş silsilə tədbirlər davam edir.
Növbəti yubiley tədbirini Naxçıvan Muxtar Respublikasının Mədəniyyət Nazirliyi və Cabir Novruz Fondu birgə təşkil edib.
Naxçıvanda Hüseyn Cavidin məqbərəsi önündə baş tutan tədbiri xalq artisti Nürəddin Mehdixanlı idarə edib.
Ədəbi məclisdə Hüseyn Cavidlə Mikayıl Müşfiqin görüşünü təsvir edən tamaşa nümayiş olunub. Tamaşada Cavid Əfəndi obrazını Naxçıvanın xalq artisti Həsən Ağasoy, Mikayıl Müşfiqi Rza Toğrul, Əhməd Cavadı isə Nürəddin Mehdixanlı canlandırıb.
Elə həyatda da Mikayıl Müşfiqin mənəvi atası sayılan Cavid Əfəndi ilə Müşfiqin görüşü tədbir iştirakçılarına duyğusal anlar yaşadıb.
Tədbir zamanı Prezident təqaüdçüsü, AYB-nın üzvü, bəstəkar- şair Cəlal Qurbanovun Mikayıl Müşfiqin “Yenə o bağ olaydı” əsərinə yazdığı nəzirə də səslənib. “Yenə o Müşfiq olaydı” sözləri ilə başlayan nəzirə böyük şairə bəslənən sevgini təcəssüm etdirib.
Yubiley tədbirindədə əməkdar artist Rəşad İlyasov da çıxış edərək, Mikayıl Müşfiqin şeirinə bəstəkar Cahangir Cahangirovun bəstələdiyi “Həyat sevgisi” mahnını ifa edib.
-
“Qadınlar yaşlandıqca daha seksual olurlar” - Fotolar
...
-
Ozan Akbaba bu serialda azərbaycanlı iş adamını oynayacaq
...
-
İlham Qasımov Heydər Əliyev Sarayına direktor təyin olundu
...
-
Əbülfəs Qarayev xanımı ilə tamaşada - Foto
...
-
DTX-də Zəfər Günü ilə bağlı konsert proqramı təşkil edilib - Fotolar
...
-
Bu gün Şuşada “Yasəmən” açılacaq - Fotolar
...
-
Bakıda Zəfər Günü münasibəti ilə konsert proqramı və atəşfəşanlıq olacaq
...
-
Musiqili Teatrda Zəfər Gününə həsr olunan "Bir nəfəs qədər" tamaşası nümayiş olunacaq
...
-
İki qardaş ölkənin teatrları arasında memorandum imzalanıb
...
-
Özbək aktyorları tamaşaçılarımızın qəlbini fəth etdi - FOTOLAR
...