İcra başçısı sakinlərlə görüşdü

Nizami Rayon İcra Hakimiyyətinin başçısı Arif Qasımovun rayon sakinləri ilə növbəti səyyar qəbul-görüşü keçirilib.

Görüş bu gün 4 №-li Peşə liseyində E.Süleymanov küçəsi 148, İ.Məmmədov küçəsi 21, 15, B.Nuriyev küçəsi 46 ünvanlarda yaşayan sakinlərlə keçirilib.

Səyyar qəbulda Rayon İcra Hakimiyyəti başçısı aparatının məsul işçiləri, 3 №-li sahə inzibati ərazi dairəsi üzrə nümayəndəliyin əməkdaşları, rayonun xidmət sahələrinin rəhbərləri və rayon sakinləri iştirak ediblər.

Qəbulda sakinlərin yaşadıqları binaların dam örtüklərinin təmiri, istiliklə təmin olunması, məhəllədaxili yolların asfaltlanması və digər sosial problemlərlə bağlı müraciətləri, eyni zamanda rəy və təklifləri rayon rəhbəri tərəfindən dinlənilib, onlara müvafiq izahatlar verilib,

Vətəndaşların müraciətlərində qaldırılan məsələlərin bir qismi yerindəcə həll olunub, araşdırılmasına ehtiyacı olan digər məsələlərin isə qanunvericiliyə uyğun, operativ həlli üçün aidiyyəti qurumların rəhbərlərinə müvafiq tapşırıqlar verilib və nəzarətə götürülüb.

Qəbulda sakinlər həmçinin rayonda aparılan abadlıq-quruculuq və yenidənqurma işlərindən razılıqlarını ifadə ediblər və əhalinin problemlərinin həlli istiqamətində həyata keçirilən tədbirlərə görə ölkə başçısına öz minnətdarlıqlarını bildiriblər.