“Azərbaycanın siyasi və inkişaf tarixi Heydər Əliyevin adı ilə bağlıdır”

08:41 12-12-2018 | 2375

Bakı Avrasiya Universitetinin rəhbərliyi, professor-müəllim kollektivi və tələbələr Fəxri xiyabanda ümummilli lider Heydər Əliyevin xatirəsini ehtiramla yad edib, məzarı önünə əkil qoyublar.

Universitet rəsmiləri görkəmli oftalmoloq alim, akademik Zərifə xanım Əliyevanın xatirəsini də ehtiramla anıb, məzarı üstünə güllər düzüb.

Ali məktəbin prorektoru Günhan Hüseynli deyib ki, Azərbaycanın tarixi və inkişafı Heydər Əliyevin adı ilə bağlıdır. Və rəhbərlik etdiyi dövr ərzində daima ölkəmizin tərəqqisi üçün çalışıb. Azərbaycan bir dövlət kimi zamanın ağır və sərt sınaqlarından keçib.Bu ağır və sərt sınaqları məhz ulu öndər öz çiynində daşıyıb. Daha sonra prorektor qeyd edib ki, o, böyük siyasi və dövlət xadimi, xalqın lideri olaraq hər zaman xalqımızın yaddaşında qalacaq. Azərbaycan xalqı öz milli dövlətçiliyini ulu öndərin ideyaları ilə yaşadacaq.