Ələkbər “Maşın”da niyə yoxdur? - Murad söz vermişdi...

15:20 14-12-2018 | 3412

Ötən gün Azərbaycanın ən məşhur realiti şousu olan "Maşın" start götürüb. 9 xanım, 9 bəy daxil olmaqla 18 tanınmış şəxs avtomobil uğrunda mübarizəyə atılıb.

İştirakçılar arasında proqramın 16-cı sürətində əlini bilməyərəkdən maşından çəkən meyxanaçı Ələkbər Yasamallı olmayıb. Əslində layihənin aparıcısı Murad Dadaşov ötən sezon efirdə verdiyi sözə sadiq qalaraq meyxana ifaçısını şouya dəvət edib.

Ələkbər Yasamallı isə təkliflə razılaşıb, hətta özü ilə bağlı lentə alınan sujetin çəkilişlərində iştirak edib. Son anda Ə. Yasamallının vacib bir işi ortaya çıxıb və “Maşın”dan imtina edib.

Ötən gün bu barədə xalq artisti Murad Dadaşov da canlı yayımda danışıb. O, 18 nəfər arasında Ələkbər Yasamallının olacağını, lakin onun texniki hesablamalarda səhv etdiyini, vacib bir işə görə yarışmaya qatılmadığını qeyd edib.