“Zimbabve ilə münasibətləri inkişaf etdirmək istəyirik” - İlham Əliyev

14:39 19-01-2019 | 3204

“Bu, Zimbabve prezidentinin Azərbaycana ilk səfəridir, odur ki, bu, tarixi səfərdir”.

Bunu prezident İlham Əliyev Bakıda səfərdə olan Zimbabve prezidenti Emmerson Mnanqaqva ilə görüşdə dilə gətirib.

İ.Əliyev Mnanqaqva səfəriniz çox məhsuldar keçəcəyinə və tərəfdaşlığımızın gücləndirilməsi üçün imkanlar yaradacağına əminliyini ifadə edib:

“Əminəm ki, məhsuldar müzakirələr zamanı biz əməkdaşlığımızın çox mühüm sahələrini müəyyən edəcəyik. Biz ticarət münasibətlərimizin genişləndirilməsi üçün imkanları, həmçinin siyası sahədə qarşılıqlı fəaliyyətimizə aid məsələləri nəzərdən keçirəcəyik.

Bilirəm ki, gəlişiniz çərçivəsində Siz bir neçə ölkəyə səfər edirsiniz. Çox şadam ki, Azərbaycan da Sizin səfər etdiyiniz ölkələrdən biridir. Bu, Sizin ölkəmizə və münasibətlərimizə verdiyiniz önəmin göstəricisidir”.

Azərbaycan prezidenti sözlərinə əlavə edib ki, Azərbaycanda öz növbəsində, ölkələrimiz arasında münasibətləri inkişaf etdirmək istəyir:

“Əlbəttə ki, Sizin səfəriniz də bu münasibətlərin inkişafı üçün məsələlərin müzakirəsi baxımından çox əla imkandır. Bir daha Azərbaycana xoş gəlmisiniz”.