AFFA ötən ilin xərclərini açıqladı - Fotolar

17:51 04-03-2019 | 2888

Bu gün “Hilton” otelində AFFA-nın Hesabat Konfransı keçirilir. Giriş sözü ilə AFFA prezidenti Rövnəq Abdullayev çıxış edib.

Abdullayev 2018-ci ildə Azərbaycan futbolundakı hadisələri sadalayıb. O, “Qarabağ”ın Avropa Liqasının qrup mərhələsinə yüksəlməsini yüksək dəyərləndirməklə yanaşı, yığmamızın Millətlər Liqasındakı uğursuzluğunu da vurğulayıb.

Daha sonra tədbirin aparıcısı AFFA-nın baş katibi Elxan Məmmədov sözü Gənclər və İdman naziri Azad Rəhimova verib. Nazir AFFA-nın Bakıda mayın 29-da Avropa Liqasının final qarşılaşmasını yüksək səviyyədə təşkil edəcəyinə əminliyini bildirib.

AFFA-nın 2018-ci il üçün gəlir və xərcləri də açıqlanıb. Məlumata görə, keçən il milli assosiasiyaya 25 milyon 456 min 685 manat vəsait daxil olub. Xərclər isə umumilikdə 20 milyon 201 min 286 manat təşkil edib.