Rəsul Çunayev idman zalı açdı - FOTO

21:47 10-03-2019 | icon 193
Rəsul Çunayev idman zalı açdı - FOTO
loading...

Daha bir məşhur idmançımız zal açıb.

Yunan-Roma güləşi üzrə Olimpiya mükafatçımız, dünya və Avropa çempionumuz Rəsul Çunayev idman zalı açmağa qərar verib.

İdman zalı Bakıda olacaq və “Go Fitness” adı ilə fəaliyyət göstərəcək. Zal açılsa da, onun xidmətindən martın 4-dən etibarən istifadə etmək mümkün olacaq. Bundan bir həftə sonra isə rəsmi açılış mərasimi planlaşdırılıb.

Rəsul Çunayevin özünün də fiziki məşqlərini edəcəyi zal metronun “Memar Əcəmi” stansiyasının yaxınlığında yerləşir. Bazar ertəsi-şənbə günləri məşqlər saat 08:00-23:00-dək, bazar günü isə 10:00-18:00-dək fəaliyət göstərəcək.

Həmçinin xanımlar üçün də özəl vaxt nəzərdə tutulub. Xanımlar burda bazar ertəsi, çərşənbə və cümə günləri saat 08:00-13:00 aralığında fitneslə məşğul ola bilər. Məşqləri bodibildinqçi Renat Əfəndiyevlə Anar Heydərov keçəcək.

Bir ay ərzində 12 dəfə məşq etmək bəylər üçün 50, xanımlar üçün 40 manat nəzərdə tutulub. Ay ərzində limitsiz məşqlərin qiyməti isə müvafiq olaraq 60 və 50 manatdır.

Qeyd edək ki, daha əvvəl məşhur kikboksçularımız – Zabit Səmədov və Eduard Məmmədov idman zalı açıb. Həmin zallarda müvafiq olaraq “Zabit Səmədov” və “Ağ Canavar” idman klubları fəaliyyət göstərir. 

 


Digər xəbərlər

0.17400813102722