Qaraşov Şağlakücə kəndində sakinlərlə görüşdü - Foto

11:46 19-03-2019 | icon 167
Qaraşov Şağlakücə kəndində sakinlərlə görüşdü - Foto
loading...

Lənkəran Şəhər İcra başçısı Taleh Qaraşovun qrafik üzrə növbəti səyyar qəbul-görüşü martın 19-da rayonun Şağlakücə kənd sakinləri ilə keçirilib. 

Icra başçısını, icra aparatının rəsmilərini, hüquq-mühafizə orqanlarının, təhsil, səhiyyə, mədəniyyət və xidmət idarələri rəhbərlərini sevinc hissi ilə qarşılayan sakinlər səyyar qəbula görə minnətdarlıqlarını bildirərək kəndin sosial-iqtisadi inkişafı və fərdi məsələlərlə bağlı müraciətlərini səsləndiriblər. 

Görüşdə çıxış edən vətəndaşlar xalqın rifah halının yaxşılaşdılması ilə bağlı ölkə rəhbərliyi tərəfindən verilən fərman və sərəncamları, xüsusilə dövlət başçısının Novruz bayramı ərəfəsində imzaladığı əfv fərmanını əsil humanizm nümunəsi hesab etdiklərini ifadə ediblər. Onlar dövlət qayğısından ruhlanaraq torpağa daha çox bağlandıqlarını, çalışdıqları sahələrdə fəal olduqlarını, xüsusilə kənd təsərrüfatı işlərinin sürətləndiyini, məhsul istehsalının çoxaldığını, gəlirlərinin artdığını xüsusi qeyd ediblər. Görüşün sonunda kənd sakinlərini Novruz bayramı münasibətilə təbrik edən icra başçısı qəbul zamanı qaldırılan məsələlərin həlli ilə bağlı aidiyyəti şəxslərə müvafiq tapşırıqlar verib.

 


Digər xəbərlər

0.39954996109009