“Sizin sevginiz ən böyük ilham mənbəyimizdir” - Mehriban Əliyeva

11:54 20-03-2019 | 2730

Birinci vitse-prezident Mehriban Əliyeva Azərbaycan xalqını Novruz bayramı münasibəti ilə təbrik edib.

Birinci xanım ürək sözlərini rəsmi instagram səhifəsindən paylaşıb:

“Əziz dostlar, səmimi təbriklərinizə, xoş arzularınıza, sevgi və dəstəyinizə görə sizin hər birinizə öz adımdan və Prezidentin adından dərin minnətdarlığımı bildirirəm. Biz sizin xoş münasibətinizi daim hiss edirik və məhz sizin sevginiz bizim ən böyük güc və ilham mənbəyimizdir.

Böyük Azərbaycan xalqının övladlarından biri olduğuma və xalqımla birgə olduğuma görə xoşbəxtəm.

Bütün Azərbaycan xalqını bayram münasibətilə təbrik edirəm. Allah Vətənimizi qorusun, sülh və əmin-amanlıq bəxş etsin. Hər birinizə cansağlığı, xoşbəxtlik, tükənməz aydınlıq, xoş güzəran və sevgi arzulayıram.Hamınıza dərin təşəkkürümü bildirirəm.

Sizin Mehriban”.