Prezident Paşinyanla görüşü şərh etmədi

19:23 29-03-2019 | 2436

Azərbaycan prezidenti İlham Əliyevlə Ermənistanın baş naziri Nikol Paşinyanın Vyana görüşü başa çatıb.

“Azeripress” xəbər verir ki, İ.Əliyev görüşün nəticəsini şərh etməyib. O, müxbirin görüşün nəticəsi ilə bağlı sualına “ATƏT-in Minsk qrupunun həmsədrləri hər şeyi danışacaqlar” cavabını verib.

Paşinyan isə Dağlıq Qarabağ münaqişəsinin tənzimlənməsi ilə bağlı Azərbaycan prezidenti ilə görüşün normal keçdiyini bildirib: “Görüş normal keçdi”.

Qeyd edək ki, bu gün Vyanada İlham Əliyevlə Nikol Paşinyanın dördüncü şəxsi görüşü keçirilib. Minsk qrupu həmsədrləri, XİN rəhbərləri və ATƏT sədrinin xüsusi nümayəndəsi Ancey Kasprşikin iştirakı ilə geniş tərkibdə görüş “Bristol” otelində baş tutub və 2 saat davam edib.(qafqazinfo)