Qaradağ rayonunda on milyonuncu sakinin doğulması münasibətilə ağacəkmə aksiyası, flaşmob, konsert proqramı və atəşfəşanlıq təşkil olunub.

Aprelin 6-da keçmiş Ağdərə rayonunun sakinləri, hazırda Ağdam rayonunun Baş Güneypəyə kəndində qeydiyyatda olan məcburi köçkün Ocaqova Nigar Çərkəz qızı ilə Həsənov Rauf Yunis oğlunun ailəsində Azərbaycanın 10 milyonuncu sakini dünyaya gəlib.

07 aprelin 2019-cu il tarixində səhər saatlarında Azərbaycanın 10 milyonuncu sakinin dünyaya gəlməsi münasibətilə Qaradağ rayonunda agacəkmə aksiyası keçirildi. Keçirilmiş ağacəkmə kompaniyasında rayonun müxtəlif ünvanlarında 600 ədəd ağac əkilmişdir.

Daha sonra günorta ölkənin 10 000 000 vətəndaşı dünyaya gəlməsi münasibəti ilə rayon gəncləri Lökbatan qəsəbəsi Heydər parkının qarşısında toplaşaraq flaşmob keçirdilər. Rəqs edərək, sevinərək əylənən gənclər asudə vaxtlarını bu sevincli xəbərə həsr edərək 10 000 000 sözünün yazıldılar. 

Axşam saatlarında Azərbaycanın 10 milyonuncu sakinin dünyaya gəlməsi münasibətilə Qaradağ rayonunda konsert proqramı təşkil edilib. Tədbir iştirakçıları rayonun incəsənət və mədəniyyət kollektivlərinin bir birindən maraqlı ifalarını izləyib,  incəsənət ustalarının ifasında şən mahnıları dinləyiblər.  Proqram zamanı iştirakçılar göyə rəngarəng şarlar və göyərçinlər uçurdublar.

Konsert proqramı atəşfəşanlıqla başa çatıb və rayon sakinləri atəşfəşanlığa maraqla tamaşa ediblər.