“Axundlar elə bilməsinlər ki, xəbərimiz yoxdur” - Şeyx

14:02 29-04-2019 | 3475

“Bəzi imamlar, axundlarla bağlı müəyyən məsələlər var. Elə bilməsinlər ki, xəbərimiz yoxdur. Xəbərimiz var. Bunun üzərinə qayıdacağıq”.

Bunu Qafqaz Müsəlmanları İdarəsinin sədri Allahşükür Paşazadə Ramazan ayının başlanması münasibətilə keçirilən tədbirdə deyib. Şeyx qeyd edib ki, imamlar, axundlar təbliğat işində fəal olmalıdırlar:

“Heyfslənirik. İmamlara, axundlara moizələr göndəririk. O moizələrdə bugünkü şərait yazılır. Həmin axundlar, imamlar bunu deməkdən utanırlar. Kimdən utanırlar? Dövlət rəhbərinin adını çəksə, birdən aşağıdakı buna deyər ki, nə üçün elədin? Sən həqiqəti deməlisən.

Prezident həzrətləri bizə xidmət edir. Bəs sizin atdığınız addımlar? Biz din xadimiyiksə, həqiqəti deməyi bacarmalıyıq. Xahişlərimiz odur ki, bugünkü gündə qabaqcıl olaq. Həqiqəti məsciddə xalqa çatdırmalı və təbliğ etməlisiniz”.