Marius Vizer: "Cüdo üzrə Azərbaycan millisi Tokio olimpiadasında özünün ən yaxşı nəticəsini göstərəcək"
"Azərbaycan Cüdo Federasiyası və dövləti həmişə cüdo tədbirlərini yüksək səviyyədə keçirir. Bu, uzun müddətdir belədir".
Bunu Beynəlxalq Cüdo Federasiyasının (IJF) prezidenti Marius Vizer Bakıda keçirilmiş Böyük Dəbilqə yarışından sonra jurnalistlərə açıqlamasında deyib.
Rumıniyalı funksioner bildirib ki, sonuncu dəfə belə möhtəşəm təşkilatçılığa ötən il Bakıda keçirilmiş dünya çempionatında şahidlik ediblər: "Həmçinin ənənəvi “Böyük Dəbilqə” turnirləri də Bakıda möhtəşəm keçirilir. Buna görə də Azərbaycan Cüdo Federasiyasının prezidenti Rövnəq Abdullayevi və onun komandasını, eləcə də gənclər və idman naziri Azad Rəhimovu təbrik edirəm. Azərbaycan hökuməti belə yarışların keçirilməsində hər zaman dəstək olur. Bu da cüdonun inkişafında rol oynayır".
Vizerin fikrincə, "Böyük Dəbilqə"də 7 medal qazanan Azərbaycan millisi düzgün yoldadır: "Bu komanda düzgün hazırlıq keçib, nəticələr də bunu göstərir. Məncə, Azərbaycan millisi 2020-ci il Tokio Yay Olimpiya Oyunlarında özünün ən yaxşı nəticəsini göstərəcək".
IJF prezidenti Böyük Dəbilqənin gələn il də Bakıda keçiriləcəyini söyləyib: "Bizim sizin federasiya ilə müqaviləmiz mövcuddur".
Sonda Vizer cüdodakı hazırkı qaydaların Tokio olimpiadasınadək dəyişməyəcəyini diqqətə çatdırıb.
-
"Prezident Kuboku-2024": Beynəlxalq reqataya hazırlıqlar başa çatıb
...
-
Mehriban Əliyevadan Ülviyyəyə təbrik - “Səninlə fəxr edirəm!”
...
-
Albaniya - Azərbaycan matçının saatı və məkanı açıqlandı
...
-
Ülviyyə Fətəliyeva Avropa çempionu oldu - Tarixə düşdü
...
-
Bakı kənd və qəsəbələri arasında ll minifutbol turnirində 1/4 final mərhələsinin oyunları keçirilib
...
-
Azərbaycan çempionatında mövsümün rekordu
...
-
Avarçəkənimiz Paris-2024-ə lisenziya qazanıb
...
-
Daha bir cüdoçumuz Avropa çempionu oldu
...
-
"Reallıq odur ki, "Qarabağ" bir neçə baş üstündür: "Neftçi"dən çempionluq gözləmək absurd olardı"
...
-
FIFA prezidenti “Qarabağ”ı təbrik etdi
...