Mehriban Əliyeva Stadnikin bütün əməliyyat xərcini çəkdi

18:44 14-05-2019 | 3106

Xəbər verdiyimiz kimi bu gün Azərbaycan Güləş Federasiyasında mükafatlandırma olub.

Federasiyanın rəhbəri Namiq Əliyev ötən ay Rumıniyanın paytaxtı Buxarestdə keçirilən Avropa çempionatından medalla qayıtmış yunan-Roma və sərbəst güləş millimizin üzvləri və məşqçilər heyətini mükafatlandırıb.

Onların hər birinə pul mükafatı təqdim olunub. Daha sonra Namiq Əliyev çıxış edib. O bildirib ki, dövlətimiz hər zaman güləşçilərin arxasındadır:

“Dövlət hər zaman güləşçilərimizin beynəlxalq arenada uğur qazanması üçün əlindən gələn dəstəyi əsirgəmir. Bildiyiniz kimi, qadın güləşində liderimiz Mariya Stadnik zədəli olduğu üçün Avropa çempionatına gedə bilmədi.

Amma dövlətimizin I vitse-prezidenti, ölkənin birinci xanımı Mehriban Əliyeva onun əməliyyatı üçün nə lazımdırsa, etdi. Onun əməliyyatının bütün xərclərini öz üzərinə götürdü. Hazırda Stadnik qaydasındadır və sentyabrda Qazaxıstanda keçiriləcək dünya çempionatında Azərbaycanı təmsil edəcək.