“Bakı Londondan fərqlənmirdi” - Elxan Məmmədov
“Azarkeş sayı həqiqətən çox yaxşı idi. Təkcə Londondan deyil, başqa ölkələrdən gələn fanatların sayı da bizi razı saldı”. Bu sözləri Böyük Britaniya mətbuatına açıqlamasında AFFA-nın baş katibi Elxan Məmmədov deyib.
O, stadionda olan boş yerlərin Almaniyanın “Ayntraxt” klubunun azarkeşlərinə görə olduğunu bildirib: “Alman fanatlar komandalarının finalda olacağından əmin idilər və xeyli sayda bilet almışdılar. Düşünürəm ki, stadionda boş yerlərin olması da buna görə idi”.
İngiltərə KİV-i stadionda ab-havanın ürəkaçan olmadığını yazsa da, Məmmədov buna fərqli cavab verib: “Düşünürəm ki, ab-hava kifayət qədər yaxşı idi. 30 min xarici və 22 min yerli futbol azarkeşləri gözəl görüntü yaratmışdı. Məncə, Bakı həmin gün Londondan fərqlənmirdi. Əsl bayram ab-havası hökm sürürdü. “Arsenal” və “Çelsi” tərəfdarları izdham yarada bilmişdi”.
Baş katib əyləncə proqramlarının da yaxşı səviyyədə təşkil edildiyini deyib: “Yaxşı əyləncə proqramları oldu və azarkeşləri stadiona cəlb etməyə çalışdıq. Oyundan əvvəl də şou-proqram kifayət qədər yaxşı idi”.
AFFA rəsmisi AÇ-2020 üçün hazır olduqlarını və finalın test kimi xeyir verəcəyini də sözlərinə əlavə edib: “Biz təşkilatçılıq baxımından finalda bir çox testlər etdik və mənfi heç bir şey görmədik. AÇ-202-də də heç bir problemin ortaya çıxmayacağından əminik”.
-
Dadaş Dadaşbəyli Dünya Kubokunda 3 gümüş medal qazanıb
...
-
Gəncə şəhər stadionunun təməli qoyuldu - Fotolar
...
-
Avropa çempionatında möhtəşəm nəticə
...
-
"Komandama güvənirəm"
...
-
Maqsud Adıgözəlovun “uğur hekayəsi”nin arxasında kim dayanır?
...
-
“Araz-Naxçıvan”ın yeni baş məşqçisi açıqlandı
...
-
Qadın millimiz Paris Olimpiadası üçün bu komandalarla oynayacaq
...
-
Elvin Məmmədov: "Federasiyadaki dəyişikliyin futbolumuzda yeni səhifə açacağını düşünürəm"
...
-
Bakı kənd və qəsəbələri arasında minifutbol turniri: II tur başa çatıb - FOTO
...
-
Azərbaycanın 6-cı sərbəst güləşçisi olimpiadaya lisenziya əldə edib
...