Prokurorluq və DİN-in kriminal avtoritetin güllələnməsi ilə bağlı - Məlumatı
Baş Prokurorluq və Daxili İşlər Nazirliyi (DİN) ötən gün Bakının Binəqədi rayonunda baş verən silahlı atışma barədə birgə məlumat yayıb.
Məlumatda deyilir:
"Prokurorluq və polis orqanlarının əməkdaşları tərəfindən peşəkarlıqla həyata keçirilmiş təxirəsalınmaz istintaq hərəkətləri və əməliyyat-axtarış tədbirləri nəticəsində Binəqədi rayonunda törədilmiş qətlin üstü “isti izlər”lə açılıb və cinayəti törətməkdə şübhəli bilinən şəxslər tutularaq istintaqa cəlb edilib.
Belə ki, cari il iyunun 7-də paytaxtın Binəqədi rayonu ərazisində “BMW-745” markalı avtomobildəki naməlum şəxslərin həmin istiqamətdə hərəkətdə olan “Mercedes” markalı digər avtomobilə atəş açmaları, nəticədə bir nəfərin ölməsi barədə daxil olmuş məlumat əsasında dərhal rayonun prokurorluq və polis orqanlarının əməkdaşları tərəfindən hadisə yerinə və meyitə baxış keçirilib, maddi sübutlar götürülüb və digər zəruri prosessual hərəkətlər yerinə yetirilib.
İlkin araşdırmalarla müəyyən olunub ki, həmin gün Tərtər rayon sakini Vüsal Hüseynov idarə etdiyi “BMW-745” markalı avtomobillə Bakı şəhər sakini Nazim Qədirovun idarə etdiyi “Mercedes-Benz” markalı avtomobili təqib edib. Bu zaman həmin avtomobilin sərnişini - Tərtər rayon sakini, əvvəllər məhkum olunmuş Taleh Calalov odlu silahdan digər nəqliyyat vasitəsi istiqamətində atəş açaraq “Mercedes-Benz” markalı avtomobilin sərnişini, paytaxt sakini, əvvəllər məhkum olunmuş Mübariz Budaqlını qətlə yetirib.
Həyata keçirilmiş təxirəsalınmaz istintaq və əməliyyat-axtarış tədbirləri ilə qeyd olunan ağır cinayətin Taleh Calalov və Vüsal Hüseynov tərəfindən törədilməsi müəyyən edilib və onlar tutularaq istintaqa təhvil veriliblər.
T.Calalovdan cinayəti törədərkən istifadə etdiyi lüləsi kəsilmiş “İJ-16” markalı tüfəng götürülüb.
Faktla bağlı Cinayət Məcəlləsinin müvafiq maddələri ilə cinayət işi başlanılıb, zəruri istintaq hərəkətləri və əməliyyat-axtarış tədbirləri davam etdirilir".
-
Bakıda köşkdən 1700 manatlıq lotereya oğurlandı
...
-
“Papanin” və “Kubinka”da növbəti əməliyyat - 7 nəfər tutuldu
...
-
Ağdam Musiqi Kollecinin direktoru rüşvət alarkən cinayət başında yaxalanıb - RƏSMİ
...
-
“Sədərək” ticarət mərkəzində 27 mağazanı qəsdən yandırmaqda şübhəli bilinən şəxs saxlanılıb
...
-
Filmlərdə gördüyü metodla evlərindən 80 minlik oğurluq etdi
...
-
DTX “Hüseyniyun”un təşkilatçılarından olan Taleh Yusifovu ekstradisiya etdi
...
-
Uzunqulaq ətini dağkeçisi adı ilə satan “Eşşək Tahir” tutuldu
...
-
Oğlunun “ciyəraxşamı”nda qumar təşkil edən ata həbs edildi
...
-
Bakıda “Uber”in 7 sürücüsü tutuldu - Foto
...
-
Azərbaycanda gənc müəllim qəzada öldü - Foto
...