II Avropa Oyunlarının açılış mərasimi keçirilib - Foto+Video
Belarusun paytaxtı Minskdə II Avropa Oyunlarının açılış mərasimi keçirilib.
Mərasimə Belarus prezidenti Aleksandr Lukaşenko da qatılıb.
Təntənəli tədbirdə Azərbaycanı rəsmi şəxslərdən Milli Məclisin sədri Oqtay Əsədovun başçılıq etdiyi nümayəndə heyəti təmsil edir.
Nümayəndə heyətində gənclər və idman naziri Azad Rəhimov, Milli Olimpiya Komitəsinin vitse-prezidenti Çingiz Hüseynzadə və digər rəsmi şəxslər də yer alıb.
“Dinamo” Milli Olimpiya Stadionunda keçirilən tədbirdə idmançıların paradı gerçəkləşib.
Baş prodüseri İqor Krutoy, quruluşçu rejissoru isə Aleksey Seçenov olan mərasimdə Belarusun tarixi və əfsanələrindən bəhs edən videoçarxlar nümayiş etdirilib.
Mərasimin rəsmi hissəsində BMT-nin baş katibi Antonio Quterresin videomüraciəti səsləndirilib.
Daha sonra EOC prezidenti Yanez Kotsiyançiç çıxış edib. Belarus prezidenti Aleksandr Lukaşenko isə çıxışında belə nəhəng layihəni həyata keçirməkdən qürur hissi keçirdiklərini vurğulayıb. Lukaşenko bildirib ki, belaruslu idmançıların “Minsk 2019” II Avropa Oyunlarındakı uğurları ölkə üçün böyük nailiyyət sayılacaq. O, bütün yarış iştirakçıları və qonaqları salamlayaraq, II Avropa Oyunlarını açıq elan edib.
Mərasim atəşfəşanlıqla başa çatıb.
-
Elman Nəsirov: Avarçəkmə Azərbaycanda bu qədər populyar olmamışdı
...
-
“Prezident Kuboku 2024” beynəlxalq reqatasının paradı keçirilib - FOTO
...
-
Ədəhim Nifrəliyev: "Qələbəyə çox ehtiyacımız vardı"
...
-
"Prezident Kuboku-2024": Beynəlxalq reqataya hazırlıqlar başa çatıb
...
-
Mehriban Əliyevadan Ülviyyəyə təbrik - “Səninlə fəxr edirəm!”
...
-
Albaniya - Azərbaycan matçının saatı və məkanı açıqlandı
...
-
Ülviyyə Fətəliyeva Avropa çempionu oldu - Tarixə düşdü
...
-
Bakı kənd və qəsəbələri arasında ll minifutbol turnirində 1/4 final mərhələsinin oyunları keçirilib
...
-
Azərbaycan çempionatında mövsümün rekordu
...
-
Avarçəkənimiz Paris-2024-ə lisenziya qazanıb
...