Süleyman Mikayılov polisləri mükafatlandırdı

16:18 02-07-2019 | 2571

2 iyul – Polis işçilərinin peşə bayramı günü münasibəti ilə Qaradağ Rayon İcra Hakimiyyətinin akt zalında tədbir keçirilib.

Tədbiri giriş sözü ilə açan Qaradağ Rayon İcra Hakimiyyətinin başçısı Süleyman Mikayılov bayram münasibətilə bütün polis işçilərini təbrik edib.

O, çıxışında Azərbaycan Polisinin uzun, tarixi və şərəfli bir yol keçdiyini vurğulayaraq Daxili İşlər orqanlarının müstəqil dövlətimizə uyğun formalaşmasında ulu öndər Heydər Əliyevin müstəsna rolunun olduğunu qeyd edib: “Bu gün Prezident İlham Əliyev də polis işçilərinə həmişə diqqət və qayğıkeşliklə yanaşır. Bunun nəticəsidir ki, polis əməkdaşlarının əmək haqları xeyli artırılıb, şəxsi heyətin məişət şəraiti əsaslı şəkildə yaxşılaşdırılıb. Bu da polislərimizdə məsuliyyət hissini artırır, daha yaxşı xidmət göstərmək həvəslərini yüksəldir”.

Tədbirin sonunda Süleyman Mikayılov tərəfindən bir neçə polis işçisinə fəxri fərman və hədiyyələr təqdim olunub.