Texniki Universitetin tələbələri “Xaliq Faiqoğlu”da təcrübə keçəcək
“Xaliq Faiqoğlu” şirkəti ilə Azərbaycan Texniki Universiteti arasında imzalanmış müqaviləyə əsasən tələbələrin “İstehsalat təcrübəsi - II” proqramının icrasına başlanılıb.
Şirkətin mətbuat xidmətindən daxil olan məlumata görə, universitetin prorektoru, Elton Məmmədov və Nəqliyyat fakültəsinin tələbələrinin iştirakı ilə tanıtım turu təşkil edilib. Tur çərçivsində tələbələr şirkətin təmir mərkəzində yaradılan şəraitlə tanış olub, onlara təcrübə keçəcəkləri istehsalat sahələri, iş prinsipləri və sair barəsində məlumatlar verilib. Daha sonra istismar prosesi ilə bağlı ərazidə olan tələbələri maraqlandıran suallar cavablandırılıb. Şirkətin baş ofisində müşahidə işinin təşkili, avtobusların video-kameralar və gps sistemləri ilə izlənməsi prosesi ilə tanış olan tələbələrə bu sahə barəsində də ətraflı məlumatlar verilib.
Tanıtım turunun yekununda şirkətin təsisçisi Faiq Seyidovla tələbələrin görüşü keçirilib. Şirkət rəhbəri gənclərə gələcək işlərində uğurlar arzulayıb, onların 08.07.2019-02.08.2019-cu il tarixini əhatə edən təcrübə proqramı çərçivəsində əldə edəcəkləri biliklərin gələcək həyatlarında faydalı olacağına əminliyini ifadə edib. Elton Məmmədov artıq ikinci ildir tələbələrin “Xaliq Faiqoğlu” şirkətində istehsalat təcrübəsi keçəcəklərini diqqətə çatdırıb və yaradılan şəraitə görə şirkət rəhbərliyinə təşəkkürünü bildirib.
Qeyd edək ki, təcrübə proqramı zamanı “Xaliq Faiqoğlu” şirkətinin yerli və xarici mütəxəssisləri bilik və bacarıqlarını tələbələrlə bölüşəcək. Yüksək nəticələr götərmiş gənclərə şirkət tərəfindən sertifikatlar veriləcək.
-
İndi jest dilini öyrənmək daha rahat oldu - Ünsiyyət hər kəs üçün
...
-
Gənc telekom mütəxəssisləri “Nar” şəbəkəsində təcrübə keçir
...
-
“Nar”ın dəstəyi ilə “Şəkərbura Şou” olimpiya kubokunun finalı keçirilib
...
-
“Nar” Azərbaycan Texnologiya Universiteti ilə əməkdaşlığa başladı
...
-
AZAL-a yeni prezident təyin olundu - Sərəncam
...
-
Salyan rayonunda Aqrar Biznes Festivalı keçirilib
...
-
Bakıda taksi ilə hara gedirlər: Ən çox gedilən yerlərin top-10-u
...
-
Prezidentdən əmək pensiyaları ilə bağlı - Sərəncam
...
-
“CityNet” indi “Nar” mağazalarında
...
-
“Azərsığorta” ləğv olunub
...