Ülvi Quliyev: "Azərbaycan milli mətbuatı çox şərəfli və zəngin inkişaf yolu keçmişdir"

07:40 22-07-2019 | 2133

Xəbər verdiyimiz kimi, Bu gün Azərbaycan milli mətbuatının yaranmasından 144 il ötür.

Azeripress.az xəbər verir ki, millət vəkili, milli məclisin Gənclər və idman komitəsinin sədri Ülvi Quliyev sosial şəbəkə hesabından ölkə mətbuatına təbrik ünvanlayıb.

Təbrikdə deyilir:

"Bu günədək Azərbaycan milli mətbuatı çox şərəfli və zəngin inkişaf yolu keçmişdir. Xalqımızın görkəmli ziyalıları, yazıçıları, mütəfəkkirləri mətbuat vasitəsilə milli şüurun, mənəviyyatın və mədəniyyətin formalaşmasına və inkişafına güclü təkan vermişlər. Bu gün ölkəmizdə yüzlərlə Kütləvi informasiya vasitələri fəaliyyət göstərir və minlərlə jurnalistlər hər gün ölkə ictimaiyyətinin rifahı naminə yorulmadan çalışırlar. Bu əlamətdar gün münasibətilə mətbuat nümayəndələrini təbrik edir və onlara öz işlərində uğurlar diləyirik."