İsmayıllı məktəbliləri Yaponiyanın İto şəhərinə yola düşürlər
Bir neçə ildir ki, İsmayıllı şəhəri Yaponiyanın İto şəhəri ilə qardaşlaşıb və işgüzar əlaqələr nümayəndə heyətlərinin, müəllim və şagirdlərin səfərləri ilə davamlı xarakter alıb. İsmayıllı şəhər 6 saylı tam orta məktəbin şagirdi Rəşad Babayev və 1 saylı tam orta məktəbin şagirdi Samir Osmanlı şəhər 5 saylı tam orta məktəbin ingilis dili müəllimi Arzu Məmmədovanın rəhbərliyi ilə 01-13 avqust 2019-cu il tarixdə Yaponiyada olacaqlar.
Bu münasibətlə İsmayıllı Rayon İcra Hakimiyyətinin başçısı Mirdaməd Sadıqov Yaponiyaya gedəcək pedaqoji sahənin nümayəndələri ilə RİH-nin konfrans zalında görüş keçirib. Tədbirdə məktəb direktorları, ictimaiyyət nümayəndələri, RİH başçısının müavinləri, valideynlər iştirak ediblər.
Rayon icra hakimiyyətinin başçısı Mirdaməd Sadıqov görüşü giriş nitqi ilə açaraq Yaponiya, xüsusilə İto şəhəri barədə nümayəndə heyətinə müfəssəl məlumat verib. Qeyd edib ki, onlar Yaponiyaya Azərbaycanın təmsilçisi kimi gedirlər. Festivalda iştirak edəcəklər. Elə davranmaq, elə hərəkət etmək, söhbətlərdə elə iştirak etmək lazımdır ki, ölkəmiz barədə Gündoğar ölkənin sakinlərinin məlumatı və nüfuzu daha da artsın. Nümayəndə heyətimiz olduqları yerlərdə öz simalarında ölkəmizə, xalqımıza bir daha hörmət qazandırsın. Həm də səfər zamanı yaponlarla görüşləri və söhbətlərindən çox şey götürməyə, çox şey öyrənməyə çalışsınlar.
Mirdaməd Sadıqov sonda səfərə gedənlərə “yaxşı yol” arzulayaraq qeyd edib ki, 10-15 il bundan əvvəl belə səfərləri təsəvvür etmək belə çətin idi. Bu şəraiti yaradan, Azərbaycanı Dünyaya tanıdan Prezidentimiz İlham Əliyevə minnətdarıq.
Yaponiyada əməkdaşlıq proqramı çərçivəsində səfərdə olmuş 5 saylı tam orta məktəbin ingilis dili müəllimi Şərafət Bayramov yeni nümayəndə heyəti ilə təcrübəsini bölüşüb. Valideynlər və şagirdlər ölkə rəhbərinə minnətdarlıq, icra hakimiyyəti başçısına təşəkkür ediblər.
Rayon təhsil şöbəsinin müdiri Rasim Orucov gənc nəsilə, təhsilin inkişafına göstərdiyi qayğıya görə ölkə rəhbərinə minnətdarlığını bildirib, sonra qeyd edib ki, səfərin təşkili üçün vacib olan məsələlər tam həllini tapıb. Heç bir çətinlik qalmayıb. Tam əminliklə bildirirəm ki, builki nümayəndə heyəti ölkəmizi, təhsilimizi yüksək səviyyədə təmsil edəcək.
O da qeyd edilməlidir ki, 2014-cü ildən İsmayıllı məktəbliləri ilə İto beynəlxalq “Home-stay” klubu arasında müəllim-tələbə əməkdaşlıq proqramı həyata keşirilir. Şəhər 1 saylı tam orta məktəbin bazasında, İsmayıllı məktəbliləri distant yolla yapon dilini, yaponlar da Azərbaycan dilini öyrənirlər.
-
UNEC Zaqatala filialında Azərbaycan Respublikasının müstəqilliyi günü ilə əlaqədar dəyirmi masa keçirilib
...
-
Goranboy rayon Quşçular kənd H.Cəfərov adına tam orta məktəbin direktoru Ceyhun Cahangirov təltif olunub - FOTO
...
-
Mətin Kərimliyə yüksək vəzifə verildi
...
-
Astarada Heydər Əliyevin 100 illik yubileyinə həsr olunan Təhsil Festivalı keçirilib
...
-
İmtahan sualları bu bunkerdə hazırlanırmış... - Video
...
-
UNEC Zaqatala filialında ümummilli Lider Heydər Əliyevin yüz illik yubileyi ilə əlaqədar rayon məktəblilərinin bilik yarışması keçirilib
...
-
Emin Əmrullayev Londonda forumda iştirak edir
...
-
Azərbaycan Dövlət İqtisad Universitetinin Zaqatala filialında Azərbaycan xalqının Ümummilli Lideri Heydər Əliyevin anadan olmasının 100 illiyinə həsr olunmuş "Heydər Əliyevin görmək istədiyi universitet” mövzusunda Respublika Elmi-praktiki konfrans keçirilib
...
-
UNEC Zaqatala filialı "Heydər Əliyevin İKT siyasəti müasir mərhələdə" mövzusunda tədbir keçirib
...
-
Elm və təhsil naziri Qusar Olimpiya İdman Kompleksini ziyarət edib
...