UEFA “Qarabağ”ı cəzalandıra bilər

14:34 06-08-2019 | 6434

UEFA-nın Nəzarət, Etika və İntizam Komitəsi “Qarabağ”a qarşı intizam işi açıb.

Buna Çempionlar Liqasının II təsnifat mərhələsi çərçivəsində Bakıda İrlandiya “Dandolk”u ilə keçirilən cavab matçında meydana azarkeşin daxil olması və tribunada polislərlə fanatlar arasında insidentin yaşanması səbəb olub.

“Dalğa Arena”da baş verən məsələlərə avqustun 22-də baxılacaq.

Qeyd edək ki, sözügedən qarşılaşmanın 60-cı dəqiqəsində meydana daxil olan fanat Ağdam klubunun kapitanı Rəşad Sadıqovu qucaqlamışdı. Bundan başqa, qarşılaşmanın ikinci hissəsində “İmarət” azarkeş qrupu ilə polis arasında insident yaşanmışdı. Həmin gün “Qafqazinfo”ya açıqlama verən “Qarabağ”ın prezidenti Tahir Gözəl hadisəni araşdıracaqlarını, lazımi orqanlarla danışacaqlarını bildirmişdi. O, belə hadisələrə görə cərimələndiklərini qeyd etmişdi.