XI Qəbələ Beynəlxalq Musiqi Festivalı yekunlaşdı
11 il ərzində müxtəlif musiqi çalarlarının Azərbaycanda təbliği dövrünü yaşadan və musiqi sevənlərin qəlbində xüsusi yer tutan Qəbələ Beynəlxalq Musiqi Festivalı bu ildə sonuncu konsertini keçirib. 11 ölkədən 200 nəfərdən artıq musiqiçinin iştirakı ilə baş tutmuş konsertlər silsiləsində Azərbaycanın müxtəlif bölgələrindən və xaricdən gəlmiş çoxsaylı musiqi həvəskarları canlı ifaları dinləməyə imkan əldə ediblər. Bu musiqinin özəlliyi tək canlı ifa ilə kifayətlənmir, bununla yanaşı onun nəcibliyi və zənginliyi dinləyicilərin ürəklərinə yol tapa bilir. Milli və beynəlxalq klassik musiqi irsinin bir sıra maraqlı nümunələri XI Qəbələ Beynəlxalq Musiqi Festivalının proqramında yer almışdır.
Builki Festival Rusiya, İsrail, ABŞ, İtaliya, İsveçrə, Ukrayna, Özbəkistan, Litva, Çin və Türkiyədən Azərbaycana dəvət almış dünyada tanınmış dirijorların, görkəmli musiqiçilərin, simfonik və kamera orkestrlərin, həmçinin Azərbaycanın tanınmış musiqi kollektivlərinin çıxışları ilə yadda qalıb.
Avqustun 5-də Qəbələ Mədəniyyət Mərkəzində Festivalın yekun konserti keçirilib. Bağlanış mərasimində “Kiyev virtuozları” simfonik orkestrinin müşayiəti ilə tamaşaçılara “Viva opera” konsert proqramı, İtaliyalı musiqiçi Alvize Kazellatinin dirijorluğu ilə C.Verdinin, C.Rossininin, P.Sorozabalın, Ş.Qunenin, E.Kornqoldun, C.Puççininin əsərləri dinləyicilərə təqdim edilib. Festivala Rusiya, Litva və Özbəkistandan dəvət almış solistlər Mariya Buynosova, Modestas Sedleviçius və Umid İsrailovun müxtəlif səs diapazonları ilə seçilən ifaları tamaşaçılara xüsusi zövq yaşadıb. Konsertin sonunda bütün solistlər birlikdə C.Verdinin “Travita” operasından “Brindisi” hissəsini ifa ediblər.
Xatırladaq ki, altı gün davam edən XI Qəbələ Beynəlxalq Musiqi Festivalı Heydər Əliyev Fondunun təşəbbüsü, Mədəniyyət Nazirliyinin və “Gilan Holding”-in təşkilatçılığı ilə keçirilib.
-
"21-ci möcüzə” filminin təqdimatı keçirilib
...
-
“Mehriban Əliyevanın dəstəyi olmasaydı, ən yaxşı halda bu gün əlil ola bilərdim”
...
-
Cavanşir Quliyev səhhətindən danışdı - Video
...
-
Türkiyə istehsalı “Lohusa” komediyası “CinemaPlus”da - VİDEO
...
-
Akademik Musiqili Teatrda “Aysedora” monotamaşasının premyerası olacaq
...
-
“Kurdlar Vadisi” ekranlara qayıdır...
...
-
“Fəlakət” Türkiyənin “Ben bu cihana sığmazam” serialında - Foto
...
-
“Apatiya” filminin qala gecəsi baş tutub
...
-
“CinemaPlus” Ümummilli Liderin səfərləri haqqında filmlərə dəstək olub - VİDEO
...
-
Akademik Musiqili Teatrın aktyorları Novosibirsk teatrının yubileyində iştirak ediblər
...