Eynulla Fətullayev Mübariz Mənsimov haqqında tənqidlərinə aydınlıq gətirdi

14:01 16-08-2019 | 2206

“Mübariz Mənsimovla aramda hər hansı problem yoxdur”.

Bu sözləri “Palmali” şirkətlər qrupunun prezidenti Mübariz Mənsimovu vaxtaşırı tənqid edən jurnalist Eynulla Fətullayev deyib.

O bildirib ki, Mübariz Mənsimov barəsində səsləndiridiyi tənqidi fikirlərin qərəzdən irəli gəldiyini düşünmək yanlışdır: “Nə qərəz ola bilər ki? Plüralizmdir, hər öz fikrini ifadə edir. Mən də öz fikirlərimi ifadə edirəm. Mübariz Mənsimovu da həmişə tənqid etmişəm”.

Fətullayev Mübariz Mənsimovun Rəsulzadə-Elçibəy ideoloji platformasında olması və bu siyasi cəbhədə dayanan qüvvələrlə əməkdaşlıq etməsi barədə fikirlərinə də aydınlıq gətirib:

“Bunu mən demirəm ki, özü deyir ki, Rəsulzadə-Elçibəy ideoloji platformasını seçib. Bu platformanın da Yeni Azərbaycan Partiyasına aidiyyatı yoxdur ki... Özü deyib, mən də fikirlərimi yazmışam”, - deyə jurnalist vurğulayıb.(yenisabah)