İcra hakimiyyəti heç kimin tanımadığı “Vaqif”ə 1 milyon verir
Beyləqan rayon İcra Hakimiyyətinin quruculuq və abadlıq işləri ilə bağlı elan etdiyi tenderin qalibi açıqlanıb.
Icra hakimiyyətinin elan etdiyi tenderin qalibi "Vaqif" firması olub. Artıq tərəflər arasında 1 milyon manatlıq müqavilə imzalanıb. Bunu təsdiq edən məlumat isə https://etender.gov.az/ saytında öz əksini tapıb.
Lakin bu firmanın bir milyonluq işin öhdəsindən necə gələcəyi sual olaraq qalır. Məsələ burasındadır ki, "Vaqif" firması ilə bağlı internet resuslarında bir cümlə belə məlumat yoxdur. Firmanın nə rəsmi saytı, nə də sosial şəbəkədə hesabı var. "Vaqif" firmasının ünvanı, harada fəaliyyət göstərməsi, əlaqə nömrələri belə yoxdur.
Belə olan halda sözügedən firmanın sadəcə kağız üzərində olduğuna dair şübhələr artır. Mütəxəssislər hesab edir ki, bu, tender sahəsində çox geniş yayılmış nümunədir. Belə ki, bəzi səlahiyyət sahibləri elan etdikləri tenderlərin qaliblərini seçərkən birbaşa özünə, qohumuna, ona bağlı olan şirkətlərə üstünlük verirlər. Belə olan halda elan edilən tender uğrunda mübarizədə şəffaflıq qorunmur.
Qeyd edək ki, tenderin qaydalarına görə, dövlət qurumu ən azından eyni sahədə 3 ildən çox təcrübəsi olan şirkətlərlə müqavilə bağlamalıdır. Bu halda ən azı 3 ildir fəaliyyət göstərməli olan "Vaqif" firmasın haqqında heç bir məlumatın olmaması şübhələri daha da gücləndirir.
-
Heydər Əliyev Fondu - 20 il!
...
-
Sabah da yağış yağacaq
...
-
Sərhədçilər “Heydər zirvəsi”nə yürüş təşkil ediblər - VİDEO
...
-
Elçin Quliyev III Çarlzla bir arada - Fotolar
...
-
Professor İbrahim Cəfərovun “Bitki xəstəlikləri və onların idarə edilməsi” kitabı çap edilib - FOTO
...
-
DTX-nin əməkdaşları “Heydər zirvəsi”nə yürüş təşkil etdi
...
-
Yağış yağacaq - Faktiki hava açıqlandı
...
-
Elmi-Tədqiqat Kardiologiya İnstitutunda Elmi Şuranın növbəti iclası keçirilib
...
-
Mədəniyyətlərarası dialoq uğurlu platformadır
...
-
Postmüharibə dövrünün reallıqları
...