““Qarabağ” bütün rəqibləri ilə bacaracaq” - Beqoviç
“Mümkün olan ən yüksək səviyyədə mütəmadi çıxış etmək istəyirdim. Buna görə də “Qarabağ”ın mənim üçün yaxşı seçim olduğu görünür. Ciddi inkişafa nail olmuş tarixi klubdu”. Bu fikirləri "Qarabağ"ın yeni transferi Asmir Beqoviç öz ölkəsinin mətbuatana müsahibəsində söyləyib.
“Qarabağ”ın İngiltərə Premyer Liqa təmsilçisi “Bornmut”dan icarəyə götürdüyü 32 yaşlı qolkiper yeni komandasının daxili çempionatda hər zaman kuboklar üçün yarışdığını həmyerlilərinin diqqətinə çatdırıb: “Bundan əlavə, komanda Avropada da rəqabət aparır. "Qarabağ" Avropa Liqasında çıxış edəcək. Bu ilin sonunadək işə yarayacaq çox sayda keyfiyyətli oyun keçirməyi gözləyirəm”.
Beqoviç müqaviləylə məxsus olduğu “Bornmut”da hər şeyin açıq olduğunu bəyan edib: “Bir peşəkar kimi işimi görürdüm və baş məşqçi, klubdakı digər insanlar haqqımda qərar verdilər. Həqiqət budur ki, oynamırdım və nəticədə belə bir qərar verməli oldu. Sadəcə, pul qazanmaq və ehtiyat skamyada oturmaq istəmirəm. Oynamaq istəyirəm və “Qarabağ”a getməklə qərarın yaxşı nəticə verəcəyini düşünürəm. Avropada oynayacaq və yeni təcrübə qazanacağam”.
Asmir “Qarabağ”ın Avropa Liqasının qrup mərhələsindəki şanslarını belə qiymətləndirib: ““Qarabağ”ın “Linfild”lə cavab oyununu izləmişəm. Əlbəttə, nəticə qazanmaq uğurdur. Çətin qrupdayıq. “Sevilya” barədə danışmağa ehtiyac yoxdu. APOEL Çempionlar Liqasının pley-off mərhələsində "Ayaks"a çətinlik yaşadıb. “Düdelanj” isə az təcrübəyə malik komandadı. Düşünürəm ki, “Qarabağ” qrupda bütün rəqibləri ilə bacara biləcək”.
Beqoviç transfer seçimini edərkən “Qarabağ”da çıxış etmiş həmyerlisi İbrahim Şehiçlə məsləhətləşmədiyini açıqlayıb: “Hər şey bir anda baş verdi. Azərbaycanı tanıyan bir neçə adamla danışdım. “Qarabağ”ın ciddi klub, Bakının gözəl şəhər, Azərbaycanın inkişaf etmiş ölkə və diqqətçəkən mədəniyyətə sahib olduqlarını dedilər. Yəni, yeni klubum barədə çox şey bilirəm. “Qarabağ”ın Avropadakı oyunlarını izləmişəm, yaxşı kluba gəlmişəm. Cümə axşamı (sentyabrın 5-də) “Qarabağ”a qoşulacam. Belədə hər şeyi gözlərimlə görəcəm”.
Təcrübəli əlcək sahibi millisinə dəvət alacağına inandığını da bəyan edib: “Milli komandadan əlimi üzməmişəm. Həmişə ona kömək etməyə hazıram. “Qarabağ”da mütəmadi və yaxşı oynasam, qayıda bilərəm. Uzun müddətdi bununla bağlı milli komandadan kimləsə danışmamışam. İndiki durumu bilmirəm. Lazım olsa, təbii ki, orda olacam”.
-
Fərid Qayıbov: "Əminəm ki, növbəti Olimpiya Oyunlarına lisenziya qazanan avarçəkənlərimizin sayı daha çox olacaq"
...
-
“Prezident Kuboku 2024”: ikinci gündə üç medal - FOTOLAR
...
-
"Prezident Kuboku-2024" beynəlxalq reqatasında ikinci günə start verildi
...
-
Azərbaycanın minifutbol millisi beynəlxalq turnirin qalibi oldu
...
-
"Prezident Kuboku 2024" beynəlxalq reqatasında ilk günün qalibləri mükafatlandırılıb
...
-
AMADA təmiz idman təbliğatını Suqovuşanda davam etdirir
...
-
Dünya Kuboku növbəti dəfə Bakıda!
...
-
"DreamLand" qolf akademiyasında "Lexus Trophy 2024" turniri keçirilib
...
-
Elman Nəsirov: Avarçəkmə Azərbaycanda bu qədər populyar olmamışdı
...
-
“Prezident Kuboku 2024” beynəlxalq reqatasının paradı keçirilib - FOTO
...