Əliyev Soçidə Putinlə görüşdü - Fotolar
Soçidə işgüzar səfərdə olan Azərbaycan Prezidenti İlham Əliyev rusiyalı həmkarı Vladimir Putinlə görüşüb.
Dövlət başçıları ikitərəfli ticarət-iqtisadi əlaqələrində müsbət dinamikanın müşahidə olunduğunu bildiriblər.
“Şəxsi təmaslarımızda fasiləyə baxmayaraq, ölkələrimiz arasında münasibətlər uğurla inkişaf etməkdədir. Ticarət və iqtisadi əlaqələr güclənir. Belə ki, keçən il ticarət dövriyyəsi 2,5 milyard dollar təşkil edib”, - deyə Putin vurğulayıb.
Rusiya Prezidentinin sözlərinə görə, ölkələrin bu istiqamətdə yaxşı perspektivləri var:
“Mən Azərbaycan Prezidentinin müəllifi olduğu planları nəzərdə tuturam. Öz tərəfimizdən bu xüsusi layihələri həyata keçirmək üçün əlimizdən gələni edirik. Digər sahələrdə əlaqələrin necə inkişaf etdiyinə dair fikir mübadiləsi etməliyik. Ümid edirəm ki, bu gün buna müvəffəq olacağıq və maraqlı bir ümumi müzakirədə iştirak edəcəksiniz”.
Öz növbəsində, İlham Əliyev görüşün təşkilinə görə Rusiya liderinə təşəkkür edib.
“Qeyd etdiyiniz kimi, bir müddət, daha doğrusu, dörd ay görüşmədik. Keçən ilki təmaslarımızın intensivliyini nəzərə alsaq bu, çox uzun bir müddətdir” deyə bildirən İlham Əliyev Rusiya-Azərbaycan münasibətlərini strateji tərəfdaşlıq adlandırıb.
Azərbaycan Prezidenti iqtisadiyyatdakı müsbət dinamikaya da diqqət çəkib:
“Ticarət həm keçən il, həm də bu il böyüyür. Əldə etdiyimiz məlumatlara görə, avqust ayına qədər artım 20% -dən çox idi.
Bizim üçün Rusiya vacib tərəfdaş, dost, yaxşı qonşudur. Bu münasibətləri qiymətləndiririk. Əminəm ki, bugünkü müzakirə əlaqələrimizin daha da möhkəmlənməsinə yaxşı töhfə olacaq”.
-
İlham Əliyevlə xanımı Şuşaya köçmüş ilk sakinlərlə görüşdü
...
-
Prezident Füzulidə açılış etdi - Fotolar
...
-
Prezidentlə xanımı Heydər Əliyevin məzarını ziyarət etdi - Fotolar
...
-
Heydər Əliyevin anadan olmasının 101-ci ildönümüdür
...
-
Prezidentlə xanımı Həzi Aslanovun məzarını ziyarət etdi - Fotolar
...
-
Mehriban Əliyevadan Qələbə Günü paylaşımı - Foto
...
-
Prezidentlər mətbuata bəyanatlarla çıxış etdilər - Fotolar
...
-
Birinci xanımların görüşü oldu - Video
...
-
Bolqarıstan Prezidenti Azərbaycandadır
...
-
COP29-un Bakıda keçirildiyi müddətdə dünyada hərbi əməliyyatlar dayandırıla bilər
...