“Rəşad bir səhvlə silinəsi futbolçu deyil”
“Futbolçularımdan razı qaldım. Mahir Emreli zədədən yeni qayıdıb deyə tam formasında deyil. Yaxşı qol imkanları yaratdıq. Bizdə qolları təkcə hücumçular yox, müdafiəçi və yarımmüdafiəçilər də vura bilir”
Bunu "Qarabağ"ın baş məşqçisi Qurban Qurbanov bildirib.
"Qarabağ" bu gün UEFA Avropa Liqası çərçivəsində artıq cari mövsüm iki dəfə qarşılaşdığı APOEL ilə üz-üzə gəlib. Komanda yenə bu rəqibini Bakıda məğlub edə bilməyib - 2:2.
Qurban Qurbanov bu görüş barədə fikirlərini bildirib: "Nəticədən razıyam. Çünki ötən dəfə bu komandaya qarşı Bakıda yaxşı çıxış etsək də, sonda məğlub olmuşduq. Bu dəfə isə bir xal qazandıq. Hesabda geri düşəndə fasilədə futbolçulara dedim ki, bu oyunun ipini əldən vermək olmaz. Onlar da tapşırığıma əməl etdilər
Rəqib çox kobud oynayırdı. Biz də səfərdə aqressiv oynamalıyıq. İndi bu komanda beş müdafiəçi ilə oynayır. Arxa xətdə boşluq olmasa da, Kiprdə rəqibdə boşluq tapmalıyıq.
Biz öz oyunçularımızı dəyərləndirməliyik. Rəşad Sadıqov bu komandaya lazımdır. Bir epizoda görə futbolçunu silmək olmaz. Yaxşı ki ilk qolda top Maksim Medvedevin kürəyinə dəyib girdi, Rəşadın yox. Yoxsa bunu da əldə bayraq tutacaqdılar. Məni də millidə olanda istefaya səsləyirdilər. Hamının fikrinə hörmətlə yanaşıram. Amma Rəşad Sadıqov bir səhvə görə hesabdan silinəsi futbolçu deyil".
-
3x3 qadın millimiz "Paris-2024" Olimpiadasında - Tarixi uğur
...
-
Gəncə MDB-nin idman paytaxtı olacaq
...
-
Qadın millimizdən "Paris-2024" yolunda uğurlu start
...
-
Dadaş Dadaşbəyli Dünya Kubokunda 3 gümüş medal qazanıb
...
-
Gəncə şəhər stadionunun təməli qoyuldu - Fotolar
...
-
Avropa çempionatında möhtəşəm nəticə
...
-
"Komandama güvənirəm"
...
-
Maqsud Adıgözəlovun “uğur hekayəsi”nin arxasında kim dayanır?
...
-
“Araz-Naxçıvan”ın yeni baş məşqçisi açıqlandı
...
-
Qadın millimiz Paris Olimpiadası üçün bu komandalarla oynayacaq
...