Nazirlik “Gilan”ı məhkəməyə verdi - “Jalə”nin bağlanması tələb edilir
Ekologiya və Təbii Sərvətlər Nazirlliyi “Gilan Holding” Məhdud Məsuliyyətli Cəmiyyətini məhkəməyə verib.
Nazirliyin 5 saylı Regional Ekologiya və Təbii Sərvətlər İdarəsi Xaçmaz rayonu, Nabran qəsəbəsində yerləşən “Jalə” istirahət mərkəzi ilə bağlı iddia qaldırıb.
Sumqayıt İnzibati-Qitisadi Məhkəməsinə müraciət edən ETSN tələb edib ki, holdinqə məxsus “Jalə” istirahət mərkəzi fəaliyyətini dayandırsın.
İşə hakim Vəfa Əzizovanın sədrliyi ilə baxılıb və dünən qərar elan olunub. Qərarda qeyd olunub ki, iddia ərizəsi noyabrın 13-də daxil olub.
Lakin qanunvericiliyə görə, iqtisadi mübahisələr üzrə məhkəmə icraatı, o cümlədən ərizə, şikayət və digər sənədlərin göndərilməsi, qəbulu, habelə məhkəmə sənədlərinin məhkəməyə və proses iştirakçılarına çatdırılması “Elektron məhkəmə” informasiya sistemində yaradılan elektron kabinet vasitəsilə həyata keçirilməlidir. Buna görə də məhkəmə nazirliyin sənədlərini geri qaytarıb və əlavə olunub ki, iddia ərizəsi elektron qaydada verildikdə, məhkəmədə baxılması mümkün olacaq.
Qeyd edək ki, bir müddət əvvəl ETSN ölkədə fəaliyyət göstərən iaşə obyektlərində monitorinqlər aparırdı. Bu yoxlamar zamanı “Jalə” istirahət mərkəzinin çirkab sularını Xəzər dənizinə axıtdığı aşkar olunub. Bu səbəbdən nazirlik məhkəməyə müraciət edərək istirahət mərkəzinin fəaliyyətinin dayandırılmasını tələb edib.
-
"Qurultay türk dövlətlərinin səhiyyə sistemində müştərək layihələrin həyata keçirilməsinə təkan verəcək" - Birinci Türk Dövlətləri Kardioloji Qurultayının sədri, professor Gülnaz Dadaşova
...
-
Nəcib insan, Bacarıqlı təhsil təşkilatçısı - Çoşqun Əliyev haqqında böhtan yazanların nəzərinə
...
-
Abşeronda akademik Zərifə Əliyevanın xatirəsi anıldı - Fotolar
...
-
Səttar Möhbalıyev: “Almaniya Azərbaycanın mühüm siyasi-iqtisadi tərəfdaşlarındandır”
...
-
Bazar günü 32° isti olacaq
...
-
Abşeron Rayon İcra Hakimiyyəti başçısı yanında Şura İclası keçirilib - FOTOLAR
...
-
Şənbə gününə 32° isti gözlənilir
...
-
İki qardaş xalqın münasibətləri yüksək səviyyədədir
...
-
Münasibətlərimizin tarixi zəngindir
...
-
İki ölkə arasında dövlətlərarası münasibətlər fəallaşır
...