Lənkəranın İcra başçısı növbəti səyyar qəbulunu keçirib
Lənkəran Şəhər İcra Hakimiyyətinin başçısı Taleh Qaraşov vətəndaşlarla daha sıx təmas quraraq onların müraciətlərini yaşadıqları ərazidə dinləmək məqsədilə səyyar qəbul-görüşlərini davam etdirir. İcra başçısı növbəti səyyar qəbul-görüşünü noyabrın 27-də rayonun iri yaşayış məntəqələrindən olan Aşağı Nüvədi qəsəbəsində keçirib. Şəhər İcra hakimiyyəti başçısı aparatının rəsmilərinin, rayonun hüquq-mühafizə orqanlarının, təhsil, səhiyyə, mədəniyyət idarələrinin və xidmət təşkilatlarının rəhbər işçilərinin iştirak etdiyi qəbul-görüşdə sakinlərin müraciətləri diqqətlə dinlənilib, qaldırdıqları məsələlər yerindəcə araşdırılıb və həlli ilə bağlı tədbirlər müəyyən edilib. Səyyar qəbul-görüşü razılıqla qarşılayan sakinlər ilk növbədə əvvəllki müraciətlərində qaldırdıqları məsələlərin həllindən məmnun qaldıqlarını bildirərək ölkə Prezidentinin ünvanına minnətdarlıq ifadə ediblər. Çıxışlarda Lənkəran rayonunun sosial-iqtisadi inkişafı istiqamətində görülən genişmiqyaslı quruculuq işləri dövlət başçısının davamlı diqqəti və qayğısı kimi yüksək dəyərləndirilib. Rayonda yaşayış məskənlərinin kütləvi şəkildə qazlaşdırılması, elektrik enerjisinin fasiləsiz verilməsi, içməli su xəttlərinin çəkilişi, yeni asfalt yolların salınması, qış mövsumu ərəfəsində çoxmənzilli yaşayış binalarının dam örtüklərinin əsaslı təmiri, yeni məktəb binalarının tikintisi ölkə başçısının uğurla apardığı sosial siyasətin bəhrəsi kimi vurğulanıb. Qeyd olunub ki, son illərdə Aşağı Nüvədi qəsəbəsinin inkişafı sahəsində də mühüm işlər görülüb, sakinləri narahat edən problem məsələlər mütəmadi olaraq həll olunur, qəsəbənin mərkəzi yolu başdanbaşa asfaltlanıb. Eyni zamanda qəsəbə ərazisində sahibkarlığın inkişafı, yeni turizm obyektlərinin istifadəyə verilməsi, kənd təsərrüfatı işlərinin sürətlənməsi, yeni iş yerlərinin açılması yerli infrastrukturu gücləndirməklə yanaşı qəsəbə sakinlərinin yaşayışını, maddi-məişət şəraitini də xeyli yaxşılaşdırdığı diqqətə çatdırılıb.
Səyyar qəbul-görüşü yekunlaşdıran İcra başçısı vətəndaşların müraciətlərində qaldırılan bir sıra məsələlərin və fərdi xahişlərin vaxtında həllindən ötrü zəruri tədbirlərin görülməsi üçün aidiyyəti məsul şəxslərə müvafiq tapşırıqlar verib.
-
Azərbaycan-Slovakiya əlaqələri tarixində əlamətdar hadisə
...
-
Slovakiya-Azərbaycan əlaqələrində yeni səhifə açılır
...
-
Azərbaycanda Qələbə Günü qeyd olunur
...
-
Abşeronda Heydər Əliyevlə bağlı tədbir keçirildi - Fotolar
...
-
Tələbələr arasında keçirilmiş müsabiqə-festivalın yekun konserti olub
...
-
Qələbə Gününün havası
...
-
AHİK tərəfindən 2023-cü ilin ən yaxşı müəssisələri mükafatlandırılıb
...
-
DSX-nın akademiyasında “Heydər Əliyev müasir Azərbaycan Respublikasının memarıdır” mövzusunda konfrans keçirilib
...
-
Heydər Əliyev Fondu - 20 il!
...
-
Sabah da yağış yağacaq
...