Elmi-Tədqiqat Kardiologiya İnstitutunda “Məsləhətləşmə qrupunun” toplantısı keçirilib

10:53 23-01-2020 | 4295

Akad. C Abdullayev adına Elmi-Tədqiqat Kardiologiya İnstitutunda Ümumdünya Səhiyyə Təşkilatının rəhbəri Hande Harmancının təklifi ilə “Məsləhətləşmə qrupunun” toplantısı keçirilib.

Toplantını giriş sözü ilə İnstitutun direktoru t.e.d Gülnaz Dadaşova və ÜST-ün rəhbəri Hande Harmancı açıb.

Toplantıda Səhiyyə Nazirliyinin İctimai Səhiyyə və İslahatlar Mərkəzinin direktoru Qəhrəman Haqverdiyev, İcbari Tibbi Sığorta üzrə Dövlət Agentliyinin Regional mərkəzlərlə iş şöbəsinin müdiri Şükür Eyvazov, Səhiyyə Nazirliyinin İnformatika və Statistika İdarəsinin müdiri Şahin Xasiyev, Respublikanın baş kardioloqu Yusif Nağıyev və başqaları iştirak etib.
İlk olaraq t.e.d Gülnaz Dadaşova “Azərbaycanda ürək-damar xəstəliklərinin mövcud vəziyyəti” ilə bağlı məlumat verdi.
Hande Harmancı isə “İlkin səhiyyə üzrə nümayiş layihəsi” barədə məlumatı iştirakçıların nəzərinə çatdırıb.

Daha sonra Türkiyənin Marmara Üniversitesindən dəvət olunan Dr.Çağrı Kalaça “Onlayn təlim proqramının təqdimatı” barəsində maraqlı slayd sou göstərək çıxış edib.

Məruzələrdən sonra mövzu ətrafında müzakirələr aparılaraq, iştirakçıları maraqlandıran suallar cavablandırılıb.