“Çinar-Trans” MMC əhaliyə nümunəvi xidmət göstərir

00:12 25-08-2020 | 3851

“Çinar-Trans” MMC şirkəti pandemiya dövründə də sərnişinlərə yüksək keyfiyyətli, fasiləsiz və təhlükəsiz xidmətin göstərilməsi məqsədilə gücləndirilmiş rejimdə fəaliyyət göstərməkdədir.

Pandemiya dövründə, xüsusilə sərnişin axınının nisbətən artdığı son günlərdə şirkət tərəfindən xəttə braxılan avtobusların sayı barədə gündəlik olaraq aidiyyatı qurumlara məlumat verilir.

Pandemiya dövründə şirkət ziyanla işləsə də, işçi sayında azalma etməmiş, sərnişinlərin sanitar-epidemioloji qaydalara riayət edilməklə daşınmasını davam etdirmişdir.

Qeyd edək ki, şirkətin iş prosesində Nazirlər Kabineti yanında Operativ Qərargahın müvafiq qaydaları, eləcə də tapşırıq və tövsiyyələri əsas götürülür.

Xatırladaq ki, 2017-ci ildə Bakı Nəqliyyat Agentliyinin istehsalat bazasının yaradılması ilə bağlı daşıyıcı şirkətlər qarşısında qoyduğu tələbə əsasən “Çinar-Trans” MMC-nin 2 hektar ərazisi olan bazasında sürücülərin tibbi müayinəsi üçün nəzərdə tutulmuş tibb məntəqəsi, avtobusların texniki baxışı üçün nəzərdə tutulmuş zona, o cümlədən yuyucu və parkinq fəaliyyət göstərir.