“İcra Hakimiyyətlərinin saytları Prezidentin rəhbərliyi ilə ölkədə aparılan islahatları əks etdirmir”

07:32 03-09-2020 | 2639

"Niyə Azərbaycan rayonlarının icra hakimiyyətlərinin saytları bir - birinə oxşayır? Bu saytlar prezident İlham Əliyevin rəhbərliyi ilə ölkədə aparılan islahatları əks etdirmir. Saytlarda verilən məlumatlar standartdır və zəngin deyil".

Bu sözləri Gənclər ve İdman Nazirliyi yanında Gənclərlə iş üzre İctimai Şuranın sədri Nurəddin Mehdiyev deyib.

"Rayonların turizm potensialı təbliğ olunmur. Yeni yanaşmadan söhbət belə gedə bilməz. İşğal olunmuş rayonlarımızın saytları isə daha bərbaddır. Elə bil işğal olunmamış rayonun internet səhifəsinə daxil olursan. Bu saytlarda işğal altında olan rayonların tarixi-mədəni abidələri haqqında məlumatlar az, foto və videolar isə demək olar ki, yoxdur. Tarixi məlumatlar və işğal faktları qeyri - dəqiqdir. Bir vətəndaş, bir gənc, bir potensial turist həmin saytlara daxil olub nə öyrənə bilər? Ümid edirəm ki, yazdıqlarım diqqəti cəlb edəcək" - deyə, sədr fikirlərin tamamlayıb.