Azərbaycan Güləş Federasiyasından Namiq Abdullayevə təbrik
Bu gün sərbəst güləş üzrə Azərbaycan millisinin baş məşqçisi, olimpiya çempionu Namiq Abdullayevin 50 yaşı tamam olur.
Bu münasibətlə Azərbaycan Güləş Federasiyasının (AGF) prezident əvəzi Namiq Əliyev yubilyarla görüşüb və onu təbrik edib.
Sərbəst və yunan-Roma güləşi üzrə yığmaların məşqçilərinin də iştirak etdiyi görüşdə federasiyanın rəhbəri Abdullayevin güləşdə qazandığı böyük uğurlardan danışıb. Artıq onun təcrübəsindən milliminin baş məşqçisi kimi yararlandığını qeyd edərək qarşıdan gələn yarışlarda, xüsusən də lisenziya turnirlərində və Tokio-2020 Yay Olimpiya Oyunlarında uğurlar arzulayıb.
Daha sonra çıxış edən yubilyar təbrikə və göstərilən diqqətə görə minnətdarlığını bildirib və geridə qalan 50 ildə üzləşdiyi çətinliklərlə yanaşı, qazandığı uğurlardan danışıb. 2007-ci ildən bu yana AGF-də baş verən kəskin dəyişikliklərdən sonra bütün problemlərin həll olunduğunu, federasiyanın diqqət və qayğısı nəticəsində olimpiadalarda, dünya və Avropa çempionatlarında böyük uğurların qazanıldığını qeyd edib.
Xatırladaq ki, 1996-cı ildə ABŞ-ın Atlanta şəhərindəki olimpiadada gümüş, 4 il sonra Avstraliyanın Sidney şəhərində təşkil olunmuş Oyunlarda qızıl medal əldə edən Namiq Abdullayev Avropa və dünya çempionatlarında ümumilikdə 10 dəfə fəxri kürsüyə qalxıb. Avropa çempionatlarında 3 dəfə Azərbaycan himnini səsləndirən Abdullayev daha 3 dəfə dünya çempionatında gümüş medalı aktivinə yazıb.
-
Albaniya - Azərbaycan matçının saatı və məkanı açıqlandı
...
-
Ülviyyə Fətəliyeva Avropa çempionu oldu - Tarixə düşdü
...
-
Bakı kənd və qəsəbələri arasında ll minifutbol turnirində 1/4 final mərhələsinin oyunları keçirilib
...
-
Azərbaycan çempionatında mövsümün rekordu
...
-
Avarçəkənimiz Paris-2024-ə lisenziya qazanıb
...
-
Daha bir cüdoçumuz Avropa çempionu oldu
...
-
"Reallıq odur ki, "Qarabağ" bir neçə baş üstündür: "Neftçi"dən çempionluq gözləmək absurd olardı"
...
-
FIFA prezidenti “Qarabağ”ı təbrik etdi
...
-
15 mindən çox iştirakçı Bakı Marafonuna qoşuldu
...
-
Ölkə idmanında növbəti tarixi uğur - Hidayət Heydərov 4 qat Avropa Çempionudur!
...