Vətən müharibəsi şəhidinin xatirəsinə beynəlxalq yarışın qalibləri bilindi
Vətən müharibəsi şəhidi Ülvü Məmmədovun xatirəsinə həsr olunmuş onlayn şahmat üzrə beynəlxalq Zəfər Kubokuna yekun vurulub.
Zəfər Kubokunun baş hakimi Fidan Talıbovanın verdiyi məlmata görə, iki gün davam edən turnirdə Azərbaycan, Türkiyə, İran və Gürcüstandan ümumilikdə 118 şahmatçı iştirak edib.
Böyüklər arasında kişilərin yarışında qalib 7 xal toplayan Kənan Qarayev olub. Qadınların mübarizəsində isə Şəms Fərzəli hamını üstələyib.
Zəfər Kubokunda aşağı yaş qrupları üzrə də mübarizənin qalibləri müəyyənləşib.
Turnirin Qalibi
1. Kənan Qarayev - 7 xal
2. Mustafa Can (Türkiyə) - 6 xal
3. Rəvan Uğuzov - 6xal
Qızlar arasında
1. Şəms Fərzəli - 5 xal
2. Xanım İsmayılova - 5 xal
3. Gülsənəm Ağayeva - 5 xal
8 Yaş
1. Əsnad Baxşızadə
2. Fatimə Mirzəliyeva
3. Səfa Hümbətov
10 yaş
1. Suat İbrahimli
2. Murad Rzayev
2. Ekin Hanifə Çağlayan (Türkiyə)
12 yaş
1. Yunus Mahmudzadə
2. Şəmsəddin Mehdiyev
3. Cavad Xəlilzadə
Qeyd edək ki, əslən Quba rayonunun Alekseyevka kəndindən olan Ülvü Məmmədov Vətən müharibəsindən bir həftə öncə təlimlərə qoşulub. O, Füzuli, Cəbrayıl və Xocavənd rayonlarının azadlığı uğrunda gedən döyüşlərdə iştirak edib. Ü.Məmmədov oktyabrın 21-də Xocavənd rayonu ərazisində gedən şiddətli döyüşlər zamanı qəhrəmancasına həlak olaraq şəhidlik zirvəsinə ucalıb. Prezident İlham Əliyevin sərəncamları ilə ölümündən sonra “Vətən uğrunda” və “Cəbrayılın azad olunmasına görə” medalları ilə təltif edilib.
Beynəlxalq Zəfər Kuboku Bakı şəhər Gənclər və İdman Baş idarəsi, Quba Gənclər və İdman İdarəsi, Azərbaycan İdman Jurnalistləri Federasiyasının təşkilatçılığı, Azərbaycan Şahmat Federasiyasının dəstəyi ilə keçirilir.
-
Avarçəkənimiz Paris-2024-ə lisenziya qazanıb
...
-
Daha bir cüdoçumuz Avropa çempionu oldu
...
-
"Reallıq odur ki, "Qarabağ" bir neçə baş üstündür: "Neftçi"dən çempionluq gözləmək absurd olardı"
...
-
FIFA prezidenti “Qarabağ”ı təbrik etdi
...
-
15 mindən çox iştirakçı Bakı Marafonuna qoşuldu
...
-
Ölkə idmanında növbəti tarixi uğur - Hidayət Heydərov 4 qat Avropa Çempionudur!
...
-
“Qarabağ” finalda meydan sahibi olacaq
...
-
Klub rəsmisi: "Gələn mövsüm iddiasız çıxış edəcəyik"
...
-
Azərbaycanlı avarçəkən Türkiyədə iki medal qazandı - Video
...
-
Bakıdakı o görüşün hakimləri cəzalandırıldı - Video
...