Taleh Qaraşov onlayn müşavirə keçirib

08:12 16-04-2021 | icon 1553
Taleh Qaraşov onlayn müşavirə keçirib

Lənkəran Şəhər İcra Hakimiyyətinin başçısı Taleh Qaraşov inzibati ərazi dairələri üzrə nümayəndələrin və bələdiyyə sədrlərinin iştirkı ilə videobağlantı vasitəsilə onlayn müşavirə keçirib.
      Müşavirəni giriş sözü ilə açan İcra başçısı rayonda koronavirus (COVID-19) pandemiyası ilə bağlı həyata keçirilən vaksinasiya tədbirlərinin müvəffəqiyyətlə davam etdiyini bildirərək, bu işdə fəallıq göstərən müvafiq qurumların rəhbərlərinə təşəkkürünü çatdırıb.
         T.Qaraşov əhalinin bütün təbəqələrinin bundan sonra da vaksinasiyaya cəlb olunmasının vacibliyini qeyd edib. Nəzərə çatdırılıb ki, rayonda indiyə kimi 18 min nəfər  koronavirusa qarşı peyvənd olunub.
       İcra başçısı rayonda abadlıq-quruculuq və səliqə-səhman işlərinin mütəmadi davam etdirilməsinə, yaşıllıqların qorunmasına nəzarətin gücləndirilməsinə, habelə ictimai işlərə davamiyyətin artırılmasına dair müşavirə iştirakçılarına tapşırıqlarını verib.
       Müşavirədə həmçinin rayonda baramaçılığın inkişaf etdirilməsi ilə əlaqədar qarşıda duran məsələlər müzakirə olunub. T.Qaraşov kümçülərlə maarifləndirici söhbətlərin aparılmasının əhəmiyyətindən danışaraq onların qayğılarına diqqətlə yanaşmağı, mövcud kümxanaların dezinfeksiya olunaraq tam hazır vəziyyətə  gətirilməsini də mühüm vəzifə kimi  icra nümayəndələrinə və bələdiyyə sədrlərinə tapşırıb.

Digər xəbərlər

0.31381607055664