Millimiz Qətərlə də bacarmadı

Futbol üzrə Azərbaycan milli komandası bu gün növbəti oyununu keçirəcək.

Canni De Byazinin çalışdırdığı yığmamız Qətərlə yoxlama oyununda qüvvəsini sınayacaq.

Bakı Olimpiya Stadionundakı matç komandamızın 2021-ci ildə son sınağıdır. Bu oyun baş məşqçi Canni de Byazi üçün də sonuncu ola bilər. Müqaviləsinin müddəti başa çatan italiyalının taleyinə özü üçün yubiley – 20-ci sınağından sonra aydınlıq gələcək.

Millimiz Qətər yığmasıyla bu il Macarıstanda da qarşılaşmış 1:2 hesabı ilə uduzmuşdu. İndi yığma komanda həm bu məğlubiyyətin revanşını ala, həm də ardıcıl məğlubiyyətlərə son qoya bilər.

Yoxlama oyunu
14 noyabr

21:00. Azərbaycan – Qətər
Baş hakim: Donatas Rumşas (Litva).
Bakı Olimpiya Stadionu.

***

Komandalar matça aşağıdakı tərkibdə çıxacaqlar:

Azərbaycan: 1. Emil Balayev, 2. Qara Qarayev, 3. Azər Salahlı, 4. Bəhlul Mustafazadə, 5. Maksim Medvedev (k), 8. Emin Mahmudov, 10. Mahir Emreli, 11. Ramil Şeydayev, 18. Anton Krivotsyuk, 19. Filip Ozobiç, 21. Höccət Haqverdi

Qətər: 22. Meşaal Barşam, 3. Abdelkarim Hassan, 4. Məhəmməd əl-Bayyati, 5. Tarek Salman, 6. Abdulaziz Hatem, 7. Ahmed Alaeldin, 12. Karim Budiaf, 13. Xidir, 16. Bualem Xuxi, 19. Almoez Əli, 23. Assim Madibo.

***

Matç başladı.

***

Qətər hesabı açır. Almoez 23-cü dəqiqədə fərqlənir.

***

Millimiz hesabı bərabərləşdirir. Emin Mahmudov 37-ci dəqiqədə cavab qolunu vurur.

***

Birinci hissə başa çatıb.

***

İkinci hissə başlayıb.

***

Emin Mahmudov 68-ci dəqiqədə millimizin ikinci qolunu vurur.

***

Qətər hesabı bərabərləşdirir. Almoez 78-ci dəqiqədə fərqlənir.

***

Oyun başa çatıb.