Ramil Usubov Moskvada toplantıda iştirak edir

11:57 17-11-2021 | 1568

Moskvada Müstəqil Dövlətlər Birliyinə (MDB) üzv dövlətlərin Təhlükəsizlik Şuraları katiblərinin illik toplantısı keçirilir.

Azərbaycan Təhlükəsizlik Şurasının katibi general-polkovnik Ramil Usubov da toplantıda iştirak edir.

“Moskvada MDB-yə üzv dövlətlərin Təhlükəsizlik Şuraları katiblərinin doqquzuncu illik görüşü işə başlayıb. Görüşdə Rusiya, Azərbaycan, Ermənistan TŞ-nin katibləri Nikolay Patruşev, Ramil Usubov və Armen Qriqoryan və digərləri iştirak edirlər”, - deyə Rusiya TŞ aparatının yaydığı məlumatda qeyd olunub.

Görüş iştirakçıları MDB dövlətlərinin təhlükəsizliyinə Əfqanıstan ərazisindən doğan təhdidlər, miqrasiya sahəsində əməkdaşlıq məsələləri, biotexnologiyanın inkişafı ilə bağlı problemlər ətrafında fikir mübadiləsi aparacaqlar.