Tamaşaçılar teatrdan ötrü çox darıxıblar... - FOTO
Azərbaycan Dövlət Akademik Musiqili Teatrında dekabr ayında nümayişi nəzərdə tutulan əksər tamaşalara bütün biletlər satılıb, bəzilərinə isə yerlər olduqca məhduddur. Bu barədə Akademik Musiqili Teatrın mətbuat xidmətindən bildirilib:
“Sevindirici haldır ki, iki ilə yaxın yorucu fasilədən sonra teatrımıza bu qədər tamaşaçı axını var və burada həyat öz əvvəlki axarı ilə davam edir. Bir-birindən baxımlı səhnə əsərlərinə tamaşaçıların günbəgün artan marağından da hiss olunur ki, onlar teatrdan ötrü çox darıxıblar.
Bu ayın sonlarında oynanılacaq “Paris Notr-Dama ithaf” (V.Hüqo, səhnələşdirən: S.Qulamov) tamaşasına biletlər artıq bir ay öncədən satılıb qurtarıb. “Mən dəyərəm min cavana” (F.Sücəddinov, T.Vəliyeva), “Baladadaşın toy hamamı” (Elçin), “999-cu gecə” (F.Əmirovun musiqiləri əsasında) səhnə əsərlərinə də "İticket.az" onlayn bilet satışı portalında bilet tapmaq mümkün deyil. “Bir nəfəs qədər” (səhnələşdirən: S.Qulamov) və “Beş manatlıq gəlin” (S.Rüstəmov, M.S.Ordubadi) tamaşalarının premyeralarınına da demək olar ki, biletlər qalmayıb.
Əslində bu çox müsbət haldır ki, vaxtı ilə teatrların tamaşaçı qıtlığı yaşayacağı ilə bağlı bədbin proqnozlar alt-üst olur və teatr icmasında xoş ovqat yaradır.
Qeyd edək ki, teatrda uşaqlar üçün də tamaşalar bərpa olunub. Bu ayın 29-dan yanvarın 4-nə qədər gündə iki seans olmaqla, balaca dostlarımız üçün nağıl-tamaşalar nümayiş olunacaq.
Teatrımızın repertuarı həmişəki kimi zəngindir, bununla yanaşı, müxtəlif rejissorların təqdimatında fərqli-fərqli janrlarda tamaşalar hazırlanır.
Akademik Musiqili Teatrın tamaşalarına bilet tapmaqda çətinlik çəkən tamaşaçılarımızın çoxsaylı müraciətlərini nəzərə alaraq onların zövqlərinə uyğun səhnə əsərlərini növbəti aylarda bir daha göstərəcəyik. Bu barədə teatrın rəsmi saytı və sosial şəbəkə hesablarında mütamadi olaraq məlumatlar veriləcək.
Biletləri şəhərin bütün teatr-konsert kassalarından və “ASAN Xidmət” mərkəzlərindən, eləcə də “iticket. az” saytından əldə etmək olar.
Xatırladaq ki, tamaşaçılar yalnız “COVID-19 pasportu” və bu virus əleyhinə peyvəndə “Əks göstəriş sertifikatı” ilə teatra buraxılır. Teatr zalında isə tibbi maskadan istifadə olunmalıdır".
-
Azərbaycanda ilk dəfə Milli Xalça Festivalı keçiriləcək
...
-
"CineMastercard"da “Qeyri-Centlmen İşlər Nazirliyi” filminin premyeradan öncə nümayişi keçirilib - FOTOLAR
...
-
Nazirdən Nəzrinlə Mərdana toy hədiyyəsi - Foto
...
-
“Yeddi oğul istərəm” filminin aktyorları 54 ildən sonra bir arada - Video
...
-
Sumqayıtda mərhum rejissor Rövşən Almuradlının 70 illik yubileyi qeyd edildi - FOTOLAR
...
-
Cavanşir Məmmədov vəfat etdi
...
-
Qorqudun Avroviziya 2024 mahnısının təqdimatı keçirildi - VİDEO
...
-
Azərbaycanda “Arap Kadri” Türk komediyasının nümayişi başlayır
...
-
Azərbaycanın səslərini Aysel açıqlayacaq
...
-
Azərbaycanda yeni radio fəaliyyətə başlayır
...