Nazir Azərbaycan futbolunun problemlərindən danışdı - Video

23:23 17-12-2021 | 1477

Gənclər və idman naziri Fərid Qayıbov “İctimai TV”yə müsahibəsində Azərbaycan futbolundan danışıb. Nazir daxili çempionatın hazırki durumundan narahatlığını dilə gətirib.

F.Qayıbov “Qarabağ”ın uğurlarından söz açıb, futbolun regionlarda inkişafının vacibliyini vurğulayıb:

““Qarabağ” bizi 8 il avrokuboklarda layiqincə təmsil edir. Azərbaycan çempionatına gəldikdə isə bunun bizim problemimiz olduğunu desəm, yanılmaram. Durumu dəyişmək, komandaların sayını artırmaq lazımdır. Ümumiyyətlə, problemlərdən biri odur ki, komandaların çoxu Bakıda cəmləşib. Regionlarımızda da komandaların sayı çox olmalıdır, rəqabət artmalıdır. Bunların hamısını başa düşürük. Çalışacağıq ki, bu işdə AFFA-ya kömək olaq. Azərbaycanda ən populyar idman növü futboldur. Bu bütün dünyada belədir. Düşünürəm ki, durumdan çıxış yolunu hamımız birlikdə tapmalıyıq. Mən bütün federasiyalarla görüşürəm, onların çətinlikləri ilə maraqlanıram. Görüşlərlə fəaliyyətimiz bitmir. Bu davam edəcək. Strategiya haqqında düşünməliyik”.