Evdən 150 minlik oğurluq edənlər saxlanıldı - Video

18:29 06-01-2022 | icon 667
Evdən 150 minlik oğurluq edənlər saxlanıldı - Video
loading...

Bakıda evdən içərisində pul qızıl-zinət əşyaları və qol saatları olan seyfi oğurlayan şəxslər saxlanılıb.

 

DİN-in Mətbuat Xidmətindən verilən məlumata görə, Binəqədi rayonunda yaşayan ev sahibi polisə müraciət edərək 31 dekabr-2 yanvar tarixlərində evdə olmadığı müddətdə naməlum şəxslər tərəfindən mənzildən içərisində 10 min manat nağd pul, 150 min dollarlıq qızıl-zinət əşyaları və 15 min manat dəyərində qol saatları olan seyfin oğurlandığını bildirib.

Məlumat daxil olan kimi hadisəni törədən şəxslərin axtarışlarına başlanılıb. Cinayət əməlini törətməkdə şübhəli bilinən əvvəllər məhkum olunmuş Zaqatala rayon sakinləri Murad Allahverdiyev və Uveys Məmmədov saxlanılıblar. Onlar ifadələrində törətdikləri hadisəni etiraf ediblər. Onların oğurladıqları qızıl-zinət və digər əşyalar onlardan aşkar olunaraq maddi sübut kimi götürülüb.

Faktla bağlı cinayət işi başlanılıb, əməliyyat-istintaq tədbirləri davam etdirilir.

 




Digər xəbərlər

0.2784731388092