İlham Əliyevlə Monteneqro parlamentinin sədri arasında görüş oldu - Foto


Yanvarın 17-də Azərbaycan Prezidenti İlham Əliyevlə Monteneqro parlamentinin sədri Aleksa Beçiç arasında videoformatda görüş olub.
Prezident İlham Əliyev Azərbaycanla Monteneqro arasında dostluq münasibətlərinin olduğunu qeyd edərək, ölkələrimiz arasında, o cümlədən dövlət başçıları səviyyəsində mövcud yüksəksəviyyəli dialoqu vurğulayıb, parlamentlərarası əlaqələrin inkişafından məmnunluğunu bildirib.
Dövlət başçısı müxtəlif sahələrdə, o cümlədən iqtisadi-ticari, enerji, nəqliyyat sahələrində əməkdaşlığın inkişafı üçün yaxşı zəminin olduğunu qeyd edib və bu baxımdan hökumətlərarası birgə komissiyanın fəaliyyətinin önəmini vurğulayıb.
Monteneqro parlamentinin sədri Aleksa Beçiç də öz növbəsində ölkələrimiz arasında fəal siyasi dialoqun olduğunu məmnunluqla qeyd edib.
Aleksa Beçiç Monteneqronun Azərbaycanın ərazi bütövlüyünü və suverenliyini daim dəstəklədiyini vurğulayıb. Monteneqronun Azərbaycanın dostu olduğunu deyərək, ölkəmizin əldə etdiyi nailiyyətlər münasibətilə xalqımızı təbrik edib.
Monteneqro parlamentinin sədri ölkələrimiz arasında əlaqələrin strateji tərəfdaşlıq xarakteri daşıdığını qeyd edərək bu sahədə müvafiq sənədin imzalanmasının vacibliyini vurğulayıb.
Görüşdə, həmçinin beynəlxalq təşkilatlar, o cümlədən parlamentlərarası təsisatlar çərçivəsində ölkələrimizin qarşılıqlı dəstəyi və maraq doğuran digər məsələlər müzakirə olunub.

-
Prezidentin köməkçisi: “Azərbaycan sərhəd təhlükəsizliyinə xüsusi önəm verir”
...
-
Prezident nazirliyin yeni binasının açılışında - Fotolar
...
-
Roma Papasından İlham Əliyevə təbrik məktubu
...
-
Ərdoğan sabah yeni nazirlərlə görüşəcək
...
-
Prezidentin xanımı ilə andiçmədən maraqlı - Fotoları
...
-
Prezident Sinan Oğanla da söhbət etdi - Foto
...
-
İlham Əliyevlə Paşinyanın qeyri-rəsmi görüşü - Foto
...
-
Mərasimdən sonra Əminə Ərdoğan bu paylaşımı etdi
...
-
Ərdoğan İlham Əliyevə təşəkkür etdi - Video
...
-
Ərdoğan İlham Əliyevlə görüşdü, salon alqışladı - Video
...